मंसिर ४ को चुनाव खारेज हुनुपर्छ : बैद्य
२४ असार, काठमाडौं । नेकपा-माओवादीले
वार्ता र आन्दोलनलाई सँगै लैजाने निर्णय गर्दै अध्यक्ष मोहन वैद्यको
नेतृत्वमा पाँचसदस्यीय उच्चस्तरीय वार्ता टोली गठन गरेको छ ।
वार्ता टोलीमा उपाध्यक्ष सीपी गजुरेल,
महासचिव रामबहादुर थापा बादल र सचिवद्वय नेत्रविक्रम चन्द विप्लव र देव
गुरुङ सदस्य रहनुभएको छ । माओवादीले वार्तासँगै साउन १० बाट चुनाव बहिस्कार
अभियान चलाउने घोषणासकेत गरेको
छ ।
छ ।
सोमबार
राजधानीमा पत्रकार सम्मेलन गरी नेकपा-माओवादीले निशर्त वार्ताको टेबलमा
बसेर सबै विषयमा छलफल गर्न तयार रहेको भन्दै उच्चस्तरीय वार्ता टोली गठनको
घोषणा गरेको हो । ‘हामीलाई सरकार र समितिबाट वार्ताका लागि आहृवान हुँदै
आएको छ । हामीले सर्त राखेका थियौं, त्यो आफ्नो ठाउँमा छ । तर, हामी अब
वार्ता गर्न तयार हुन्छौं । राजनीतिक समिति सबैसँग पनि वार्ता गछौं’ ।
सरकारसँग पनि वार्ता गर्न पनि तयार छौं’ बैद्यले भन्नुभयो-’तर, वार्तामा
सर्त नराखियोस्, मंसिर ४ गतेको चुनाव नमानी वार्ता हुँदैन भनिएको छ, हामी
त्यो मान्दैनौं । मंसिर ४ गते खारेज हुनुपर्छ ।’ साथै उहाँले आफूसँगै
आन्दोलनरत दललाई पनि वार्तामा सहभागी गराउन माग गर्नुभयो । रणनीतिमा दृढता र
कार्यनीतिमा लचकता अपनाउने रणनीति अनुसार नै वार्ताका लागि लचिलो भएको
माओवादीले जनाएको छ ।
यसअघि सरकार र राजनीतिक समितिले वार्तामा
बोलाए पनि बैद्य पक्षले चुनावी प्रक्रिया रोक्नुपर्ने लगायतका सर्त राख्दै
आएको थियो । पछिल्लोपटक प्रमुख चार दलका शीर्ष नेताहरु सम्मिलित उच्चस्तरीय
राजनीतिक समितिले आगामी मंसिर ४ का लागि तोकिएको निर्वाचन स्वीकार गरी
गोलमेच वा सर्वपक्षीय सम्मेलन गर्न सकिने बताएपछि बैद्य माओवादी वार्तामा
बस्न तयार भएको हो ।
वैद्य माओवादीले यथास्थितिमा हुने चुनाव
भने सक्रिय र सशक्त बहिस्कार गर्ने बताएको छ । ‘हामीले निर्वाचन
निरपेक्षरुपमा बहिस्कार गर्ने भनेका हैनौं’ उहाँले भन्नुभयो-’११ बुँदे
सहमति र बाधा अड्काउ फुकाऊ आदेश, प्रधानन्यायाधीशको नेतृत्वमा सरकार खारेज
हुनुपर्छ र सर्वपक्षीय गोलमेच सभा गरे दलहरुबीचबाट राष्ट्रिय सरकार
बनाइयोस् भनेका छौं । हाम्रो कुरलाई पुरै अवज्ञा गरियो र विदेशी
प्रतिक्रियावादीहरुको इशारामा प्रक्रिया अगाडि बढाइएको छ । यस अर्थमा हामी
यथास्थितिमा चुनावमा भाग लिन सक्दैनौं यो एकदम ठीक र जायज छ ।’
बैद्यले आफूहरुको मोर्चामा रहेका ३३
दलसहित आन्दोलनरत शक्तिलाई सहभागी गराएर सर्वपक्षीय गोलमेच सभा गर्नु पर्ने
र त्यहीँबाट राष्ट्रिय सहमतिको सरकार बनाउने र कसरी संविधानसभाको अर्को
निर्वाचन गर्ने भन्ने टुङ्गो लगाउनुपर्ने बताउनुभयो । गोलमेच सभामा अबको
संविधान कस्तो बनाउने भन्नेबारे सहमति गरे पनि त्यहीँबाट संविधान भने घोषणा
नगर्ने उहाँको भनाइ छ ।
साउन १० बाट बहिस्कार आन्दोलन
वैद्य माओवादीले आगामी साउन १० गतेदेखि
चुनाव बहिस्कार आन्दोलन थाल्ने घोषणासमेत गरेको छ । सुरुमा प्रचारात्मक
कार्यक्रम गरिने र वहिस्कारको कार्यक्रम भने केन्द्रीय कार्यालय बनाउने
महासचिव बादलले जानकारी दिनुभयो । बहिस्कार आन्दोलनको पक्षमा रहेका अन्य
दलहरुसँग तालमेल गरिने उहाँले बताउनुभयो ।
महासचिव बादलले धेरैले पोखरा बैठकबाट
माओवादी फुटेर आउँछ भनेको तर, आफूहरु एक भएर आएको बताउनुभयो । बलपूर्वक
युद्धमा धकेलेर वा आत्मसमर्पण गराएर क्रान्तिकारी देशभक्त शक्तिहरुलाई
सिध्याउने षड्यन्त्र भइरहेको बादलको भनाइ थियो ।
पार्टी एकता कांग्रेस-एमालेलाई तर्साउने मेलो
माओवादी अध्यक्ष मोहन वैद्यले एमाओवादी र
नेकपा-माओवादीवीचको पार्टी एकता हल्ला मात्र भएको बताउनुभयो । ‘माओवादीसँग
एकता हुँदैछ, हामीले एक भएर चुनावमा जान्छौं’ भनेर एमाओवादीले कांग्रेस
एमालेलाई तर्साउने काम मात्र गरेको वैद्यको भनाइ छ ।
पार्टी एकताका लागि राजनीतिक लाइन,
रणनीति, कार्यनीति लगायतका कुरा मिल्नु पर्ने तर आफूहरुको मिल्ने कुरा केही
नभएको उहाँले बताउनुभयो । ‘एमाओवादीबाट हाम्रो एकता हुँदैछ, एकता हुँदैछ
भनेर भनिँदैछ, यो कांग्रेस र एमालेलाई तर्साउने मेलो हो । चुनावमा हामी
एकतावद्ध भएर जान्छौं र एकतावद्ध भएर गएपछि तिमीहरुलाई हराउँछौं भनेर
तर्साउन मात्रै यस्तो भनिएको हो’ प्रचण्ड पक्षले एकताको कुरा गर्नुको कारण
खुलाउँदै उहाँले भन्नुभयो । एमाओवादीमा यतिबेला संकट आएको र त्यसलाई टार्न
तथा हाँले माओवादी कार्यकर्तालाई भ्रममा पार्न पनि एकताको हल्ला चलाइएको
वैद्यले बताउनुभयो ।
No comments:
Post a Comment