काठमाडौं,
माघ २९ – नेपाली काँग्रेसले एमालेलाई गृह मन्त्रालय दिने वाचा गरेर पनि
किन वाचा तोड्यो ? बामदेव गौतमलाई गृह मन्त्रालय दिने तय भएर पनि नव
निर्वाचीत प्रधानमन्त्री शुसील कोइरालाले किन ‘गृहको कुरै नगर्नुस्’ भनेर
कुरा फेरे ? यसको अर्को रोचक कारण रातोपाटीलाई प्राप्त भएको छ ।
एमालेलाई र त्यसमा पनि बामदेव गौतमलाई गृह कुनै हालतमा दिनु हुँदैन भनेर
सुशीललाई उक्साउने काँग्रेस नेता हुन, प्रकाशमान सिंह र शेखर कोइराला ।
प्रकाशमान सिंह आफै उपप्रधान र गृह मन्त्री भएर सरकारमा जान चाहन्छन् ।
आफुलाई गृह नै चाहिएको भन्दै प्रकाशमानले
कोइरालालाई कुन हदसम्म दबाब दिए
भने कोइरालाले आफ्नै सत्ता साझेदारकै मन दुखाउनुप¥यो ।
सुत्रका अनुसार गृह नपाएसम्म प्रकाशमानले पनि सरकारमा मन्त्री खान नजाने
अडान राखेका छन् । यही कारण प्रधानमन्त्री कोइरालाको आग्रहलाई समेत वास्ता
नगरी प्रकाशमान मंगलवार विना बिभागीय मन्त्रीको सपथ खान मानेनन ।
प्रधानमन्त्री कोइरालाले पहिलो चरणमा आफु, रामशरण महत र प्रकाशमानलाई सपथ
खुवाउने सोच राखेका थिए । तर प्रकाशमानले गृह नपाएसम्म नखाने भनेपछि महत
एक्लैले सपथ गरे ।
प्रकाशमानले मात्र हैन, काँग्रेसमा गृह मन्त्रालयमाथि कृष्ण सिटौलेसमेत
आँखा गाडेका छन् । भारतसँग निकट मानीएका सिटौलालाई गृहमन्त्री बनाउन भारतको
पनि दबाब रहेको बताइन्छ । यस्ता धेरै दबाब थेग्न नसकेपछि सभापति कोइराला
अहिले उकुस मुकुस भएका छन् । गृह नपाएसम्म एमाले सरकारमा नजाने निर्णयमा
पुगीसकेकाले कोइराला सरकारको अहिलेदेखी नै दिनगन्ती सुरु भइसकेको छ ।
No comments:
Post a Comment