बाबुराम कम्युनिष्ट आन्दोलनबाट भाग्न खोजे : सापकोटा

     ३१ वैशाख, भक्तपुर । एकीकृत माओवादीका नेता अग्नि सापकोटाले नेता डा. बाबुराम भट्टराई कम्युनिष्ट आन्दोलनबाट भाग्न खोजेको आरोप लगाएका छन् । रफत संचार क्लब भक्तपुरले बुधवार आयोजना गरेको अन्तरक्रिया कार्यक्रममा सापकोटाले नेता भट्टराईले सामाजिक जनवादी पार्टी निर्माण गर्न खोजेर कम्युनिष्ट आन्दोलनबाट भाग्न खोजेको आरोप लगाएका हुन् । उनले आफूहरु कम्युनिष्ट पार्टीहरु एक हुनुपर्छ भनेर लागेपनि भट्टराईसहितका केही नेताहरु भने कम्युनिष्ट धारबाट नै भाग्न थालेको वताए । एमाओवादीको विराटनगर सम्मेलनले पार्टी सर्भिसिङ भइसकेको दाबी गर्दै उनले अब पार्टी नयाँ ढंगबाट अगाडि बढ्ने बताए । सापकोटाले वैद्य नेतृत्वको नेकपा-माओवादीले पार्टी विभाजन गलत भएको महशुस गरिसकेकाले अब पार्टी

एकीकरण गरेर मिलेर अघि वढ्ने वताए । उनले संगठनमा जनवादी केन्द्रीयता लागू गर्न नसक्दा अहिले पार्टीमा समस्या आएको भन्दै पार्टी सकेसम्म विभाज भने हुन नदिने बताए ।