गायक श्रेष्ठले प्रेमीलाई मुद्धा हाल्ने

        काठमाडौँ- प्रेममा आफूले चाहेको मान्छेलाई नपाउँदा ज्यान दिने र लिने घटनाहरुपनि सार्वजनिक भएकै छन् समाजमा । तर, संगीतमा भविष्य देख्ने युवागायक सुरज श्रेष्ठ भने माया नपाएकोमा कानुनी बाटो रोज्ने सुरमा देखिन्छन् ।  श्रेष्ठले मन पराएकी केटीले वास्ता गर्न छाडेपछि केही समय पहिले सडक बाटोमा चिच्याउँदै मुद्धा हाल्ने कुराको खुलासा गरेका हुन् । आखिर किन यस्तो निर्णयमा पुगे त उनी? तर, श्रेष्ठ भन्छन्–‘गीतमा मात्र मुद्धा हाल्ने कुरा हो रियलमा त कहाँ त्यस्तो हुन्छ र ? केही महिना अघी मात्र दोस्रो एल्बमको तयारी स्वरुप दर्शक श्रोता माझ पहिलो सौगातका रुपमा ‘मुद्धा हालिदिन्छु’ बोलको गीत सार्वजनिक गरेका थिए । गीतको म्युजिक भिडियो समेत बनाएका उनले चाँडै पूर्ण गीत सहितको एल्बम बजारमा ल्याउने बताए । विभिन्न स्थानमा हुने महोत्सवमा सहभागिता जनाइरहेका श्रेष्ठ भन्छन्–‘स्टेज तताउने खालको गीत हो यो । शब्द केही उच्शृङ्खल जस्तो सुनिएपनि प्रस्तुतिका क्रममा दर्शक दिर्घाबाट आउने वान्स मोरले हौसला थपेको छ ।’ गीतमा जसरी तिमीलाई पाईन भने मुद्धा हालिदिनछु भनेर उछालिएपनि लजालु स्वभावका यिनी केटीसँगको

भेट्मा भने रुझेको बिरालो बराबर देखिन्छन् । ‘केटीसँग नजिक रहने कुरामा अलिक कमजोर नै छु । लाखौँ कोसीस गर्दा समेत साहस जुटाउन गाह्रो परेको छ ।’ लजालु हाँसोमा उनले भने । पहिलो एल्बम ‘सुर’बाट उनले औपचारिक साँगीतिक यात्रा सुरु गरेका हुन् । हरेक शैलीको सँगीतमा गायन कला भर्न सक्ने खुबी राख्ने यिनी विशेषत आधुनिक गीतमै आफूलाइ उभ्याउन चाहन्छन् । मिहेनत र बिना लगानीका भरमा सफल हुन सकिन्न् भन्ने राम्रोसँग बुझेका श्रेष्ठ लामो समयदेखि सँगीत कक्षालिइरहेका छन् । ‘समयको लगानी गरेको छु एकदिन कसो सफल नभइएला र ?’ उनको संगीत प्रतिको लगाव र विश्वासले ढिलोचाडोँ सफलता दिलाउन मदत गर्नेमा श्रेष्ठका साथिहरु समेत विश्वसत छन् । गायकश्रेष्ठले पर्वत माजन्मिएर पनि लोकगीतको माहोल नसमाएर आधुनिक सँगीतमा लाग्नुको कारण चाहिँ साथीभाई बीचको सँगत भएको बताउँछन् । आफूलाई लोक गीतपनि धेरै मन पर्ने बताए । ‘लोकसंस्कारमा हुर्के बढेको मान्छे हुँ म । बनपाखा उकाली ओराली गर्दाका मिठा सम्झनाहरु कसरी बिर्सन सकिन्छ र ? यसैमा त लोगसँगीत छ नि हैन र ? ’ उनले भने । अंग्रेजीमा मास्टर गरि भ्याएका गायक श्रेष्ठ कहिले काँही भने चिन्तामा रहने गरेका छन् । भन्छन्–‘आमाबाबुलाई अहिलेसम्म खुसि दिन सकेको छैन् । जन्माउनु भो, हुर्काउनु भो, सकिनसकी पढाउनु भो तर त्यसको बदलामा केहीदिन सकेको छैन् ।’