भाग्यमानीको भुतै कमारो भन्ने त उखानै छ । बिहेबारी नभैकन छोरी
जन्माएकी कुमारी आमा अमेरिकी टेलिभिजन स्टार किम कार्दाशिनका लागि उनका
छोरीका बाउले ठूलै सरप्राइज दिएका छन् ।
अमेरिकी सपना अनुसारको जिवन जिएको
भन्दै हालै राष्ट्रपति बाराक ओबामाबाट बधाई समेत पाएका किम र उनका पार्टनर
क्यानए वेष्टले फेरि धेरैको ध्यान तानेका छन् । पार्टनर किम र छोरी नर्थको
सुरक्षाका लागि भन्दै वेष्टले १२ लाख अमेरिकी डलर पर्ने दुईवटा अत्याधुनिक र
सुविधासम्पन्न गाडी खरिद गरेर सबैलाई छक्क पारिदिएका छन् ।
लाटि्भयन
कम्पनी डार्टस् मोटर्सको उत्पादन रहेको प्रोमब्रोन आइरन डायमण्ड मोडेलका
दुइवटा बुलेट प्रुफ सुविधासम्पन्न गाडी उनले खरीद गरेका हुन् । यो गाडी यति
बलियो तथा अत्याधुनिक छ कि बाहिर बम विस्फोट हुँदा समेत यसभित्र बसेका
मानिसलाई घुनपुत्लो लाग्दैन । अझ अर्को रोचक कुरा त के भने यो मोडलको
गाडिले जनावर अधिकारकर्मीहरुको विरोधको सामना समेत गर्नुपरेको छ, कारण यसको
भित्री भागमा ह्वेल माछाको लिंगको छाला प्रयोग गरिएको छ ।
उनले २४ लाख डलरमा दुइ गाडी खरिदका लागि कम्पनीमा अर्डर दिइसकेका भएपनि
अझै ती गाडी उनले प्राप्त गरिसकेका छैनन् । आगामी अक्टोबरमा सुरु हुने
अमेरिकाभरको आफ्नो सांगितिक भ्रमण सम्ममा यी गाडी हात पर्ने विश्वासमा उनी
छन् ।
किम कार्दाशिन र आफु समेत निकै हाइ प्रोफाइलको भएकाले सुरक्षा थ्रेट
हुनसक्ने साथीहरुको सल्लाह मुताविक उनले यस्तो सुविधासम्पन्न र सुरक्षित
गाडी खरीद गरेका हुन् ।
No comments:
Post a Comment