बिग बोसमा मनिषा कोइराला, पुनम पाण्डे र बाबा रामदेव पनि ???

                        सलमान खानले संचालन गर्ने चर्चित रियालिटी टेलिभिजन शो को सातौँ संस्करणमा नेपाली बलिउड नायिका मनिषा कोइरालाले भाग लिने समाचार सार्वजनिक भएको छ । विभिन्न भारतीय संचार माध्यमहरुले जनाए अनुसार बिग बोस सेभेनमा सहभागी हुने प्रतिस्पर्धीमा मनिषा त छन् नै अरु केही चर्चित पात्रहरु पनि छन् ।

                           भारतीय संचार माध्यमहरुले जनाए अनुसार बिग बोस ७ मा मनिषा कोइराला मात्र हुनेछैनिन् बाबा रामदेव तथा पुनम पाण्डे समेत हुनेछन् । बिग बोसको सातौँ संस्करणमा क्रिकेटर युवराज सिंह, हरभजन सिंह समेतले प्रतिस्पर्धा गर्ने बताइएको छ । साथै सुरज पञ्चोली, धर्मेन्द्र, पुजा मलिक, अमिषा पटेल लगायत पनि बिग बोसको घरमा छिर्ने समाचार सार्वजनिक भएको छ । तथापि हरभजन सिंहले भने टि्वटर मार्फत आफु बिग बोसमा सहभागी हुन लागेको समाचार सत्य नभएको बताएका छन् । बिगबोसमा उल्लेखित नामहरु सहभागी हुने पक्का भएको विभिन्न भारतीय संचार माध्यमहरुले जनाएका भएपनि बिग बोसको आधिकारिक वेबसाइटमा भने यसबारेमा केहीपनि उल्लेख गरिएको छैन । तरपनि बिग बोसको प्रोमो भने सार्वजनिक भैसकेको छ ।