काठमाडौं।
नेपाल प्रहरीमा यो बर्ष डीएसपीदेखि माथिका धेरै पद रिक्त हुँदैछन्।
आइजीपी, एआइजी, ठूलो संख्यामा डीएसपीको अवकाशपछि यो बर्ष एकैपटक करिब ५०
जना इन्स्पेक्टर डीएसपी बढुवा हुनेछन्।
२०७० कात्तिक २९ गते आइजीपी
कुवेरसिंह रानासहित ७ एआइजी अवकाश हुादैछन्। प्रहरीमा ३० बर्षे प्रावधान
हटाएर ३२ बर्षे जागिर अवधि बढाउन लागेका आइजीपी रानाको भगिरथ प्रयत्न असफल
भइसकेको छ। ३२ बर्षे असफल भइसकेपछि आइजीपी रानासहित एआइजीपीहरू नवराज ढकाल,
भीष्म प्रसाई, दिनकरशमशेर राणा, गंगा पाण्डे, विनोद सिंह, रमेशविक्रम शाह र
पुस्कर रेग्मी एकै दिन घर जानेछन्। २०७० माघमा डीआइजी पार्वती थापा र
चैतमा विमला थापाको अवकाश हुँदैछ। चैतमा एआइजी र डीआइजी गरी दश पद रिक्त
हुनेछन्। कात्तिक २९ गते आइजीपी र एआइजी सहित आठ जना घर गएपछि
उपेन्द्रकान्तहरूको ब्याजबाट एआइजी बढुवा हुनेछन्। डीआईजीको विशेष पद
सिर्जना गरेर बढुवा भएकी पार्वती थापा पनि आइजी बन्ने रहर गरेर हिंडेकी
छिन्। अब उपेन्द्रकान्तको समूहबाट एक आइजीपी हुनेछन् भने सात जना एआइजी
हुनेछन्। कथम् पार्वतीको सपना विपनामा परिणत भयो र जुनियर एसएसपीबाट डीआईजी
बन्न सफल पार्वती आइजीपी भएपनि तीन महिनाभित्रैै फागुनमा घर जानेछिन्।
तर
जुनियर एसएसपीलाई विशेष पद सिर्जना गरेर जबर्जस्ती डीआइजीमा बढुवा गरेकोमै
संगठनभित्र विरोध भएकाले पार्वतीको आइजीपी हुने सपना तुहिने संभावना छ।
त्यस्तै यही बर्षभित्र २०७० चैत १२ गते एसपीद्वय राजु मानन्धर र सुकदेव
न्यौपाने पनि घर जानेमा परेका छन् भने महिला एसपी गीता उप्रेती अवकाशमा
भइसकेकी छिन्। यो बर्ष अवकाश हुनेमा सबैभन्दा बढी डीएसपीहरू छन्। २०७० साउन
२९ गते घर जाने डीएसपीहरूमा रणबहादुर रायमाझी, रुपम लामा, रामकमल आचार्य,
बसन्त रंजितकार, मधुसुदन खड्का, शरदकुमार तामाङ छन्। धु्रवकुमार महरा २०७०
असारमै घर गइसकेका छन्। २०७० चैत ३० गते अवकाशमा पर्नेमा बृषबहादुर रावल र
बिष्णुकुमार कार्की, बसन्तविक्रम राणा, सुशीलकुमार कार्की, सुदीपकुमार
तामाङ छन्। डीएसपी कुशलपुरुष ढकाल र दीपककुमार अधिकारी पनि चैत अन्तिममा
अबकासमा पर्दैछन्।
डीएसपीहरू यमुना रजक, रामचन्द्र राई, पशुपति डोटे,
हेमजंग चौहान, हिरालाल धमला, विजय थापा, मोहनकुमार शर्मा लामिछाने,
जीवनकुमार गुरुङ, कृष्ण शिवाकोटी २०७० साउन अन्तिममा जाँदैछन्। साउन २४ गते
नै प्रकाश लामाले पनि अवकाश पाउने मिति हो। यद्यपि राईले अवकाश हुनुअघि नै
राजीनामा दिइसकेका छन्। शान्ति बस्नेत, रश्मी श्रेष्ठ, राधिका खड्का पनि
अवकाशमा परिसकेका छन्। डीएसपी बुद्धकुमार राई, जगतबहादुर केसी, चैत
अन्तिममा जाँदैछन्। आइजी, एआइजी र डीआइजी गरी १० पद रिक्त भएपछि १० एसएसपी
डीआइजी हुनेछन् भने एसपीहरू पनि बढुवामा पर्नेछन्। ३ एसपी र २९ डीएसपीले
पनि अवकाश पाएपछि यो बर्ष करिब ५० इन्स्पेक्टरहरू डीएसपी बढुवामा पर्नेछन्।
७ एसपीहरू एसएसपीमा बढुवा हुनै बाँकी भएकाले यो बर्ष डीएसपीको पद ५० को
हाराहारीमा रिक्त हुनेछन्।
No comments:
Post a Comment