पर्वतकी चेलीको विदेशी भूमिमा संगीत मोह !

सुमन थापा, पर्वत ।

               पर्वतकी एक चेलीले विदेशी भुमिमा रहेर पनि नेपाली गीतसंगीतको उत्थानका लागि सक्रियता देखाएकी छिन् । साहित्यमा अत्यन्तै रुची राख्ने पर्वत पाङराङ घर भई अहिले ईजरायलमा रोजगारीको सिलसिलामा पुगेकी दीपिका भुषालले ईजरायलबाटै नयाँ गीत २०७० असार २३ गते आईतबार सार्वजनिक गरेकी छिन् ।

               सानैदेखि गजल, कविता र गीत लेख्दै आएकी भूषालको शब्दलेखनमा पीडा दिने निष्ठूरीलाई बोलको गीत सार्वजनिक भएको हो । ईजरायलमै एक औपचारिक कार्यक्रम आयोजना गरी गीतको म्यूजिक भिडियो सार्वजनिक गरिएको भूषालले जानकारी दिएकी छिन् । भुषालको गीतमा विपिन आचार्यले संगीत भरेका छन् भने मान्धवी त्रिपाठी

ले स्वर दिएकी छिन् ।

               दीपिका भूषालको सो गीत आशिका एल्वममा समावेश गरिएको छ । म्यूजिक भिडियोको छायाङकन, निर्देशन तथा सम्पादन विपिन तामाङले गरेका छन् । दीपिका भुषालकै रचनाका अन्य गीत तथा गजलहरुको म्यूजिक भिडियोको छायाङकनको तयारी पनि भैरहेको निर्देशक तामाङले बताए ।