ghus                        काठमाडौ । कम्पनी रजिष्टार कार्यालयमा इन्टरनेटबाट कम्पनी दर्ता गर्न सकिने व्यवस्था गरिएको छ। सेवाग्राहीहरूले कानुन  व्यवसायीहरूमार्फत् कम्पनी दर्ता गर्नका लागि घुस खुवाउनुपर्ने व्यापक गुनासो आउन थालेपछि इ दर्ताको व्यवस्था गरिएको हो। तर खाने मुखलाई जुँगाले छेक्दैन भन्ने उखानलाई अनुशरण गर्दै कम्पनी रजिष्टार कार्यालयका कर्मचारीहरूले अनेक बहानामा सेवाग्राहीहरूसाग घुस असुल्न नछाडेको गुनासो छ। बैंक तथा वित्तीय सस्था लगायतका कम्पनी रजिष्टार कार्यालयमा दर्ता भएका
कम्पनीहरूबाट उपरजिष्टार लालबाबु कवारीको समूहले अनेक बहानामा घुस असुली गर्दैआएको छ। बैंक वा वित्तीय संस्थाका कम्पनी सचिवलाई यो वा त्यो प्रक्रिया नमिलेको भन्दै उपसचिव कवारीले घुस बार्गेनिङ गर्दैआएका छन्। कार्यालयमा आएका फाइलहरू विवाद छ भन्दै उनले खिच्ने र मोलमोलाई गर्दैआएका छन्। अख्तियार दुरुपयोग अनुसन्धान आयोगले अकूत सम्पत्तिमा धेरैको बैंक खाता रोक्का गरे पनि कवारी जस्ताको नगरेकोमा कर्मचारीतन्त्रमा आश्चर्य मानिएको छ। कवारी जहिले पनि शक्तिकेन्द्रलाई प्रभावमा पारी आकर्षक कार्यालयमा बसी अकूत कमाउनेमा पर्दछन्। काठमाडौं जिल्ला प्रशासन कार्यालयको अधिकृत, यातायात व्यवस्था कार्यालय नारायणीको प्रमुख, बैदेशिक रोजगार विभागको निर्देशक हुादै उद्योग मन्त्रालयमा पुगेर कम्पनी रजिष्टारको कार्यालयमा पुगेका हुन्।
                    बैदेशिक रोजगार विभागबाट उनको सरुवा संचार मन्त्रालय अन्तर्गत भए पनि पैसाको बलमा उनी साम दाम खर्च गरी पुनः सामान्य प्रशासन मन्त्रालयमा सरुवा भई अनिलकुमार झा उद्योग मन्त्री हुादा उद्योगमा पुगे। र, अहिले कम्पनी रजिष्टारको प्रमुख छन्। यो बीचमा उनले अकूत सम्पत्ति आर्जन गरे पनि अरुलाई अख्तियार लाग्दा उनलाई लाग्न सकेको छैन । कम्पनी दर्ता गर्दा उपसचिव कवारीलाई खुसी नपारी हुादैन। रजिष्टार सहसचिव शंकर अर्याल त थपना मात्र हुन्, सबै कुरा कवारीलाई मिलाएपछि मात्र कम्पनीमा काम हुने गरेका छ्न।