साहरुख माथी किन यस्तो व्यवहार गरिन् एकता कपुरले ?

                      बलिउड बादशाह साहरुख खान र फिल्म निर्मात्री एकता कपुर बिचको दुश्मनी झनै चर्किएको छ । ‘वन्स अपन अ टाइम ईन मुम्बई दोबारा’ र ‘चेन्नाई एक्सप्रेस’को प्रदर्शनको बिषयमा चर्किएको झगडा अहिले चरम बिन्दुमा पुगेको छ ।

                          हालै मात्र ईदको अवसर पारेर साहरुखले एकताको निर्माणमा बनेको चलचित्र ‘वन्स अपन अ टाइम ईन मुम्बई दोबारा’को बिशेष शो आफ्नै निवास मन्नतमा गर्ने सोच राखेका थिए । साहरुखले यसका लागि एकता कपुरसँग कुरा गर्न आफ्नो बिशेष

मानिस पनि पठाएका थिए । तर एकताले साहरुखको यति सानो प्रस्तावलाई ठाडै अस्विकार गर्दै टिकट काटेर हलमै हेर्न भने पछि यसले बलिउडमा चर्चा पाएको छ । साहरुख र अक्षय कुमार राम्रो साथी भएको र साहरुखकी छोरी सुहाना अक्षयको फ्यान भएकाले पनि साहरुखले मन्नतमा बिशेष शो गर्ने योजना बनाएका थिए ।

                 तर एकता कपुरले निक्कै क्रृद्ध व्यवहार देखाएपछि साहरुख दुखीत भएका छन् । एकताको यो व्यवहारलाई बलिउडका अधिकांश चलचित्रकर्मीले पनि आलोचना गरेका छन् । साहरुले यसअघि सलमान खान अभिनित चलचित्र एक था टाइगर, दबंग २ मन्नतमै आफ्ना छोरा र छोरीसँगै हेरेका थिए ।