एमाओवादीदवारा सर्वदलिय बैठक बहिस्कार

                 काठमाडौं,बैशाख२–एमाओवादीले आज बोलाइएको सर्बदलिय बैठक बहिस्कार गरेको छ । अधिकारी हत्याकान्डको आरोपमा नियन्त्रणमा लिइएका १३ जनाको रिहाइ नगरिएको भन्दै उसले प्रधानमन्त्री निवास बालुवाटरमा मंगलबार दिउँसो बोलाइएको सर्बदलिय बैठक बहिस्कार गरेको हो । एमाओवादीका नेता टोपबहादुर रायमाझीले आज बोलाइएको सर्बदलिय बैठक पार्टीले बहिस्कार गरेको जानकारी दिँदै हत्या आरोपमा पक्राउ गरिएका १३ जनालाई नछाडेसम्म पार्टीले सरकारसँग कुनै पनि प्रकारको वार्ता र संवाद नगर्ने जानकारी दिए ।‘ फुजेल काण्डमा सरकारले १३ जनाविरुद्ध सर्वश्वसहित जन्मकैदको माग गर्दै मुद्दा दायर गरिएकाहरुको रिहाइ नगरेसम्म सरकारले आह्वान गरेको कुनै पनि बैठकमा एमाओवादी सहभागि हुँदैन’नेता रायमाझीले 

भने ।

प्रधानमन्त्री सुशील कोइरालाले संविधानसभाको संवैधानिक राजनीतिक सम्वाद तथा सहमति समितिको सभापति चयनबारे छलफल गर्न आज बैठक बोलाइएको थियो । यसअघि सरकारले सोमबार बोलाएको बैठक पनि एमाओवादीले बहिस्कार गरेको थियो ।