अक्षय कुमारलाई विमानस्थलमा सुटिङ गर्न रोक

            त्रिुभवन अन्तर्राष्ट्रिय विमानस्थलले भारतीय नायक अक्षय कुमारलाई विमानस्थलमा सुटिङमा रोक लगाएको छ । सुटिङ अघि गर्नुपर्ने सर्तहरु पुरा नभएको भन्दै विमानस्थलले फिल्म सुटिङमा रोक लगाएको हो । विमानस्थलले रोक लगाएपछि 'वसन्ती' नामक फिल्मको सुटिङ रोकिएको छ। विमानस्थलको छबी बिगार्ने किसिमका सिन लिन खोजेको भन्दै विमानस्थलले सुटिङमा रोक लगाएको हो । फिल्ममा अक्षय कुमारलाई विमानस्थलमा हुने अभद्र व्यवहारको सिन लिन खोजिएको थियो । विमानस्थलमा सुटिङ रोकिएपछि त्यस फिल्मको टोलीले अहिले ठमेल लगायतका विभिन्न स्थानमा सट लिइरहेको छ। 'विमानस्थल प्रशासनले सोमबार तत्कालका लागि सिनेमाको छायांकन विमानस्थलमा गर्न नदिने निर्णय गरेका

छौ,त्रिभुवन विमानस्थलका प्रहरी नायव महानिरीक्षक यादव अधिकारीले भने,'प्रक्रिया पुर्‍याएर आए भने सोच्न सकिन्छ।' 'अ वेनज्डे', 'द रोयल बेंगाल टाइगर' जस्ता फिल्मका निर्देशक नीरज पाण्डेले एक वर्षअघि 'स्पेसल २६' मा अक्षयलाई खेलाएका थिए । सफल रहेको उक्त फिल्मबाट अक्षयलाई नजिकबाट राम्ररी नियाल्न पाएको भन्दै नीरजले नयाँ फिल्ममा पनि उनैलाई लिएका हुन् । सन् २०१५ को भारतीय गणतन्त्र दिवसको आसपास 'वसन्ती' रिलिज गर्ने बुझिएको छ।