सलमानकी नयाँ प्रेमिका विवाहित रहेको खुलासा

           बलिउडका अविवाहित नायक सलमान खान यतिबेला रुमानियाकी टेलिभिजन स्टार लूलियासँग रोमान्स गरिरहेका छन् । सलमान र लूलियालाई केही समय अघि मात्र हैदाराबाद एयरपोर्टमा देखिएको थियो । लूलिया यतिबेला सलमानकै घरमा रहेको पनि बताइएको छ ।

            तर सलमानले रोमान्स गरिरहेकी रुमानियाकी लूलिया पहिले नै विवाहित रहेको खबरले यतिबेला बलिउड बजार तताएको छ । लूलिया विवाहित रहेको बिषयमा सलमानलाई पनि जानकारी भएको भारतिय संचारमाध्यमले जनाएका छन् । रुमानियाकै चर्चित संगीतकार मैरियस मोगा र लूलियाको विवाह भैसकेको भारतिय मिडियाहरुले जनाएका छन् । यि दुई बारम्बार डेटमा रमाउने गरेका थिए । लूलिया र मैरियसले एकसाथ रुमानियाको एक टेलिभिजनमा रियालिटी शो संचालन गरेपछि यि दुइको निकटता बढेको थियो । आफूहरु बिच निक्कै धेरै समाचार बाहिर आएपछि मैरियस र लूलियाले फेसबुक मार्फत आफूहरु विवाहित भएको जानकारी दिएका थिए । मैरियस मोगा ले फेसबुकको रीलेशनसिप स्टाटसमा ‘म्यारिड टू लूलिया वेचर’ लेखेका थिए । उनले सन् २०१२ को अगष्ट ७ मा यो स्टाटस पोष्ट गरेका थिए । तर यतिबेला दुबै जना यस बिषयमा केही बोलेका छैनन् ।