काठमाडौं।
उच्च माध्यमिक शिक्षा परिषद्मा बढेको अनियमिततालाई मध्येनजर गर्दै
अख्तियार दुरुपयोग अनुसन्धान आयोगले छानबिनका लागि पठाएको पत्रले परिषदमा
ठूलै भूइँचालो ल्यायो। अख्तियारको पत्रका बारेमा सदस्य सचिव भीमलाल गुरुङ,
सहसचिव नारायण कोइराला र अर्का नरेन्द्र ढकालबीच हरेक दिन गोप्य कुराकानी
हुने गरेको स्रोतले बताएको छ। परीक्षा नियन्त्रक दुर्गा अर्याललाई परीक्षा
नियन्त्रकबाट हटाएर आफू बन्न नारायण कोइरालाले परीक्षा नियन्त्रक दुर्गा
अर्यालबाट पनि अनियमितता भएको भन्दै हिंडेको थाहा भएको छ।
अख्तियारको
पत्रबारे सदस्य सचिव गुरुङले चिन्ता लिएपछि सहसचिव कोइरालाले ठूलै फुई
लगाएको बताइन्छ। कोइरालाले अख्तियार प्रमुख लोकमानसिंह कार्की आफूसँग
अन्यन्तै निकट रहेको र मोर्निङवाक पार्टनर भएकाले हामी सँगै जाने गरेका
थियौं भन्दै आफूलाई
परीक्षा नियन्त्रक बनाए ‘सबै मुद्दा मिलाउने’ बचन दिएको
समाचार छ। केही दिनअगाडि भएको एउटा भोजमा आफ्नो श्रीमती र लोकमानकी
श्रीमतीले सँगै बसेर खाना खाएको भन्दै अख्तियारको धेरै चिन्ता नगर्न सदस्य
सचिवलाई भनेको चर्चा पनि अहिले उच्च माविमा चल्ने गरेको छ। ‘म अख्तियारको
सवै कुरा मिलाउँछु’, कोइरालाको भनाइ उद्धृत गर्दै स्रोतले भन्यो। कोइरालाले
यस्तो फुई देखाएपछि परिषद्का कर्मचारीहरू भने कोइराला गैरजिम्मेवार बनेको
भन्दै आलोचना गर्दै हिंडेका छन्।
No comments:
Post a Comment