एप्पलका सस्ता दुई नयाँ आइफोन बजारमा

                अमेरिका २०७० भदौ २६ । अमेरिकी कम्पनी एप्पलले दुई नयाँ आइफोन बजारमा ल्याएको छ ।

                कम्पनीले आइफोन फाइभ एस र आइफोन फाइभ सी बजारमा ल्याएको हो । १६ जिबी फाइभ एसको बजार मुल्य १ सय ९९ डलर तथा ६४ जिबी २ सय ९९ डलर पाउण्ड तोकिएको छ ।

                    यस्तै १६ जिबी स्टोरेज क्षमताको फाइभ सीको बजार मुल्य ४ सय ६९ पाउण्ड तोकिएको छ । मंगलबार राती सार्वजनिक भएको फाइभ एसमा फोनको मेन बटनमा फिंगरप्रिन्ट सेन्सरसहित ल्याइएको कम्पनीले

जनाएको छ । यस्तै फाइभ सी भने विभिन्न रङहरुमा उपलब्ध रहेको कम्पनीले जनाएको छ ।

                                 नयाँ फोन सार्वजनिक भएसँगै कम्पनीले व्यापारिक रणनीति परिवर्तन गर्न खोजेको देखिएको विश्लेषण गरिएको छ । एकै सयममा दुई मोडलका फोन सार्वजनिक हुनुले पनि यसको संकेत गरेको विश्लेषकहरुको दावी छ । यस अघि एप्पलले दुई वटा फोन एकै पटक सार्वजनिक गरेको थिएन ।