२० बैशाख, काठमाडौँ । विनाशकारी भूकम्पमा परी ज्यान गुमाउनेको संख्या सात हजार ४० पुगेको छ ।
गृह मन्त्रालय मातहतको राष्ट्रिय आपतकालीन
कार्य सञ्चालन केन्द्रका अनुसार भूकम्पबाट घाइते हुनेको सङ्ख्या १४ हजार
तीन सय ९८ पुगेको छ । भूकम्पका कारण १० हजार चार सय ७७ सरकारी
घर तथा भवन पूर्णरुपमा क्षति भएका छन् । आंशिकरुपमा १४ हजार एक सय ६८ घर
तथा भवन क्षति भएका छन् ।
सर्वसाधारणका एक लाख ४१ हजार दुर्इ सय ३३ घर पूर्ण क्षति भएका छन् भने आंशिक एक लाख ४९ हजार ६ सय ५९ घर क्षति भएका छन् ।
पूर्वाञ्चलमा ५२, मध्यमाञ्चलमा छ हजार तीन
सय ६९, पश्चिमाञ्चलमा चार सय १८ र मध्यपश्चिमाञ्चलमा दुई जनाको मृत्यु
भएको केन्द्रले जनाएको
छ ।
सिन्धुपाल्चोकमा दुई हजार पाँच सय ८०,
नुवाकोटमा ६ सय ५९, गोरखामा चार सय १०, काभ्रेमा तीन सय ११ र रसुवामा तीन
सय ६ जनाको मृत्यु भएको छ ।
No comments:
Post a Comment