एयर एम्बुलेन्सबाट जोशीलाई भारत लगिँदै

            १२ चैत, काठमाडौं । काठमाडौंको नर्भिक अस्पतालमा उपचाररत नेपाली कांग्रेसका नेता तथा पूर्वगृहमन्त्री गोविन्दराज जोशीलाई थप उपचारका लागि नयाँ दिल्ली लैजाने तयारी भएको छ । जोशीको रक्तचाप न्यून रहेको र कलेजोमा पनि समस्या देखिएकोले नर्भिक अस्पतालका चिकित्सकहरुले दिल्ली लैजान सुझाव दिएपछि एयर एम्बुलेन्स मार्फत दिल्लीको मेदान्त अस्पताल लैजान लागिएको हो । 

            अस्पतालले नेपालमा उपचार पद्धति नभएको भन्दै भारत लैजान सुझाव दिएको थियो । अस्पताल र नागरिक उडड्यन प्राधिकरणको पहलमा एयर एम्बुलेन्सको व्यवस्था अस्पताल लैजाने तयारी भएको कांग्रेस प्रवक्ता दिलेन्द्रप्रसाद बडूले जानकारी दिए । अस्पतालमा भर्ना भएका जोशीको स्वास्थ्य अवस्थाको जानकारी लिन प्रधानमन्त्री सुशील कोइरालासहित कांग्रेसका शीर्ष नेताहरु मंगलबार नर्भिक अस्पताल

पुगेका थिए ।