बल्लबल्ल उडेको निगमको जहाज अवतरण हुनै सकेन

         काठमाडौँ, चैत १२–आन्तरिक उडानमा जहाजबिहीन भएको नेपाल वायु सेवा निगमको जहाजले फेरि उडान सुरु गरेपनि अवतरण हुँदै सकेन । जहाजबिहीन भएको १६ दिनपछि निगमले मंगलबारदेखि औपचारिक उडान सुरु गरेको थियो । तर, लुक्लाका लागि उडान तालिका तय गरेको भएपनि खराब मौसमका कारण जहाज अवतरण हुन नसकेपछि पुनः काठमाडौँ नै फर्केको निगम स्रोतले बतायो । गत फागुन २६ गते खोटाङको लामीडाँडाका लागि उडेको निगमको जहाजको इन्जिनमा खराबी आएपछि उडान भरेको केही समयमा नै आकस्मिक अवतरण गरिएको थियो । त्यसलगत्तै

निगम जहाजबिहीन भएको थियो । निगमका अनुसार सो जहाजमा तारा एयरको जगेडा इन्जिन परिवर्तन गरी उडाइएको थियो । आन्तरिक उडानमा जहाज नहुँदा निगमले ठूलो परिणाममा दैनिक घाटा व्योहोर्दै आएको छ ।