मिति तोक्दैमा स्थानीय निकायको चुनाव हुँदैनः देउवा

             नेपालगन्ज, चैत १९ – नेपाली काँग्रेसका बरिष्ठ नेता शेरबहादुर देउवाले सरकारले मिति तोक्दैमा स्थानीय निकायको चुनाव हुन नसक्ने बताएका छन् । उनले स्थानीय निकायको निर्वाचनको लागि प्रमुख राजनीतिक दल बीचको सहमतीमा जोड दिए ।मेची-काली जागरण अभियानका क्रममा नेपालगन्ज आएका देउवाले दातृ निकायहरु समेत स्थानीय निकायको निर्वाचन छिटो होस भन्ने पक्षमा रहेपनि सहमति बिना स्थानीय निकायको निर्वाचन सम्भव नहुने बताएका छन् । सरकारले तत्काल स्थानीय निकायको चुनावको मिति घोषणा गर्ने बताइरहँदा देउवाले यस्तो बताएका छन् । देउवाले भने -चुनाव

जरुरी छ । तर त्यसका लागि सबै पार्टीबीच सहमति अबश्यक पर्छ । देउवाले काँग्रेसको बहुमत नभएकाले अन्य दलको सहमति बिना एक बर्ष भित्र संबिधान निर्माण सम्भव नहुने बताए ।