आलिया भट्टको चुम्बनमा सेन्सरको आपत्ति

         (एजेन्सी)–भनिन्छ नयाँ सरकार आइसकेपछि देशको कुनैपनि क्षेत्रमा थुप्रै कुराको परिवर्तन हुने गर्दछ । हो, भारतीय फिल्म जगतमा यस्तै भएको छ । नरेन्द्र मोदी प्रधानमन्त्री पदका लागि शपथ ग्रहण गर्नुपूर्व नै भारतीय सेन्सर बोर्ड केहि सर्तक भएको देखिएको छ । बोर्डले आलिया भट्ट र वरुण धवनको रिलिज हुन लागेको फिल्म ‘हम्टी शर्मा दुल्हनियाकी शादी’ को प्रोमोमा नै यसले औंला उठाएको छ । फिल्मको ट्रेलरबाट आलिया र वरुणको चुम्बनको दृश्य निकालियोस् भन्ने सेन्सर बोर्ड निर्माताहरुको इच्छा छ । बोर्डको भनाइअनुसार यो दृश्यलाई टाढाबाट देखाउन त सकिन्छ तर जुम गरेर नजिकबाट देखाउन मनाही भएको खबरले बताएको छ ।  यो फिल्म करण जोहरको ब्यानर धर्मा प्रोडक्सनले बनाएको हो । करणको समूहको भनाई छ कि योभन्दा पहिले पनि उनको दुई फिल्म ‘हँसी तो फँसी’ र ‘२ स्टेट्स’ को प्रोमोमा पनि चुम्बनको प्रयोग गरिएको थियो भने अहिलेको यो समस्याले उनीहरुलाई चकित तुल्याएको बताए । यद्यपी धर्मा प्रोडक्सनको यो फिल्मको ट्रेलरबाट चुम्बनको दृश्य हटाउन नै पर्नेछ ।