ल तयार हुनुहोस्, सहिमासँगै तीजमा माइत जान

                 महिलाहरुको महान चाड हरितालिका अर्थात तीज पर्व नजिकिदै जाँदा यसको चहलपहल पनि सुरु भएको छ । विशेषगरी तीजको गीत बजारमा ल्याउने गायक तथा गायिकाहरुलाई भने हतार भैसकेको छ । 

               तीजको गीतको चर्चा निक्कै छोटो समयमा हुने भएकाले पनि उनीहरुले बजारमा गीत सार्वजनिक गर्न थालिसकेका छन् ।यसैक्रममा गायिका सहिमा श्रेष्ठले पनि तीजको अवसरमा कोशेली ल्याएकी छिन् । ‘तीज सहिमा’ एल्बममा समावेश ‘तीजको बेला माइतीमा आको’ बोलको गीत सहिमाले

सार्वजनिक गरेकी हुन् । कुमार विवाहितको शब्दमा तयार भएको यो गीतले तीजको समयमा माइती जाने चेलीहरुको कथालाई उठान गरेको छ ।

                          जनक कार्कीको नृत्य, निरज कँडेलको छायांकन रहेको यो भिडियोलाई डीके डटकमले निर्देशन गरेका हुन् । भिडियोमा गायिका सहिमाले आफै मोडलिङ पनि गरेकी छिन् । तीज पर्वको अवसरमा महिलाहरुलाई यो गीतले नचाउने विश्वास गरिएको छ ।