हलिउडमा डेब्यु गर्दै सोनम कपूर

                         अनिल कपूरको करियर झण्डै डुबिसकेको थियो । तर हलिउडबाट आएको एक प्रस्तावले उनको फिल्मी जिवनलाई बदलिदियो । पिता अनिल कपूरपछि अब उनकी छोरी अभिनेत्री सोनम कपूरको जिवनमा पनि ठीक त्यहीँ हुँदैछ । केही इन्टरनेसनल फेसन समारोहमा क्याटवाक गरिसकेकी तथा केही इन्टरनेसनल ब्राण्डको सार्वजनिकिकरण समेत मोडलिङ गरिसकेकी सोनम अब हलिउडमा इन्ट्री गर्ने चरणमा छिन् । चाहे त्यो निकै छोटो भूमिका किन नहोस् तर उनी त्यो अवसरलाई छाड्न चाहँदैनिन् ।

                       पछिल्लो दिनमा फिल्म रांझडा तथा भाग मिल्खा भागको सफलताले रमाइरहेकी सोनमले हालै बलिउडको एक ठूलो प्रोजेक्टका लागि अडिसन दिएकी छिन् । यदि उनी छनोट भइन् भने उनी चर्चित हलिउड फिल्म पाइरेट्स अफ क्यारेबियन को पाँचौ श्रृंखलामा अभिनेता जोनी डेपसँग देखा पर्नेछिन् । सोनम उक्त अडिसनबाट

पार पाउने र हलिउडमा ठाउँ बनाउनेमा धेरै ढुक्क छन् । कतिपयले सोनमका लागि अनिलले सोर्स लगाइदिएकाले पनि सोनमको ठाउँ पक्का भएको ठान्छन् । उक्त हलिउड फिल्मको शुटिङ सन् २०१५ मा सुरु हुनेछ ।