१७ मंसिर, काठमाण्डौ । एकीकृत नेकपा
माओवादीका एक नेताले पूर्व राजा ज्ञानेन्द्रलाई नेपालका मुटु र मस्तिस्कका
रुपमा ब्याख्या गरेका छन् । चुनाव हार्नुका कारण खोजीरहेको एमाओवादी
नेतृत्व अहिले आफ्ना गल्तीबारे पनि मूल्याङ्कन गरिरहेको छ ।
सोमबार प्रकाशित साँघु साप्ताहिकलाई
अन्र्तवार्ता दिँदै एमाओवादी पोलिटब्युरो सदस्य लोकेन्द्र बिष्टले
ज्ञानेन्द्रलाई पनि देशको ‘ब्रेन एण्ड हर्ट’का रुपमा टिप्पणी गरेका छन् ।
मुलुकका तीनवटा ब्रेन एण्ड हर्टमध्ये एउटा ज्ञानेन्द्र, अर्को प्रचण्ड र
अर्को गिरिजाप्रसाद कोइराला भएको बताए ।
‘यो देशमा तीनवटा ब्रेन एण्ड हर्ट
थिए, एकजना पूर्व राजा ज्ञानेन्द्र र अर्को गिरिजाप्रसाद कोइराला । अहिले
ब्रेन एण्ड हर्ट भनेको प्रचण्ड हो ।’ बिष्टले भने-’मैले अन्धभक्त
भएर भनेको
हैन, अहिले पार्टी हारेको छ तर जितेकाहरु पनि प्रचण्डकै पछि लागेका छन् नी
। प्रचण्डले केही नगरी अगाडी बढ्ने अबस्था छैन यो देशको राजनीति ।
प्रचण्ड सुबिधाभोगी भएको, उनको जीवनशैली
खर्चिलो भएको र पारिवारलाई काखी च्यापेको जस्ता आरोप पनि सही नभएको बिष्टको
दावी छ ।
नेतृत्वमाथि जेहाद छेड्ने काम भएको भन्दै उनले भने-’यत्रो पार्टी
चलाउने कुरा छ, देश चलाउने कुरा छ, उसको सुरक्षाको कुरा होला । उसले खाने
कुरा, बस्ने कुरा अरुभन्दा अलिकति महंगो हुँदा के फरक पर्छ ? राष्ट्रको
गहनाको रुपमा रहेको मान्छेलाई यति धेरै खेदो खन्ने काम दुर्भाग्यपूर्ण हो
प्रचण्डले जितेका हैनन जिताइएको हो
यसैवीच बिष्टले अध्यक्ष प्रचण्डले
सिरहाबाट जितेको नभई योजनाबद्धरुपमा जिताएको दावी गरेका छन् । उनले
भने-’प्रचण्डलाई दुवै क्षेत्रमा हराउने उनीहरुको योजना थियो । काठमाण्डौबाट
हारिसकेपछि प्रचण्डले षडयन्त्र र धाँधली भयो भन्नुभयो र प्रतिनिधिलाई
मतगणनास्थलबाट फिर्ता बोलाउने काम भयो । त्यसपछि योजनाबद्ध रुपमा
प्रचण्डलाई सिरहाबाट जिताइयो । किनभने अब प्रचण्ड सदन बाहिर रहने भयो,
त्यसो भयो भने गाह्रो हुन्छ भन्ने ठाने । अनि आठ घण्टा मतगणना रोकेर
प्रचण्डलाई जिताइयो ।’
No comments:
Post a Comment