२२ माघ, काठमाडौं । व्यवस्थापिका संसदको बैठक आज बस्दैछ । दिउँसो १ बजेपछि संविधानसभा भवन नयाँ बानेश्वरमा बस्ने बैठकमा प्रधानमन्त्री चयनको लागि औपचारिक प्रक्रिया सुरु गर्ने विषयमा छलफल हुनेछ ।
आज बस्ने बैठकमा बहुमतीय प्रक्रियाबाट प्रधानमन्त्री चयन गर्न राष्ट्रपति कार्यालयले पठाएको पत्रलाई पढेर सुनाईने र सोही विषयमा छलफल हुने संसद सचिवालयले जनाएको छ ।
यसअघि बसेको कार्यव्यवस्था परामर्श समितिको बैठकले आगामी माघ २७ गते प्रधानमन्त्री चयनका लागि निर्वाचन गर्ने निर्णय गरेको छ । सोही निर्णयका आधारमा
आजको बैठकले निर्वाचन तालिका बनाउने छ ।
राष्ट्रपतिले सहमतिको सरकार गठन गर्न दिएको समयसीमाभित्र दलहरुबीच सहमति नभएपछि पुनः राष्ट्रपति कार्यालयले बहुमतीय सरकार गठन गर्न पत्राचार गरेका छन् ।
No comments:
Post a Comment