कालीगण्डकी नदीमा जलयात्रीहरुको संख्यामा बृद्धि

              पर्वत, २०७० चैत १० । केहि वर्ष यता जलयात्रा ¥याफ्टिङको लागी आकर्शक गन्तव्य बन्दै गएको कालीगण्डकी नदी (नयाँपुल- मालढुंगा)मा जलयात्रीहरुको संख्यामा बृद्धि भएको छ । फागुनको अन्तिम सातादेखि जलयात्राका लागि पर्यटक आउन थालेका हुन् ।

              जलयात्राका लागि आकर्षक गन्तव्य बनेको कालीगण्डकीमा पर्यटकको आगमन हुन थालेपछि व्यवसायीहरु समेत उत्साही भएका छन् । पर्वतको पाङ गाविस स्थित नयाँ पुल तथा मालढुङगाबाट सुरु हुने -याफटिङ स्याङजा, पर्वत र गुल्मी जिल्लाको सिमानामा रहेको कालीगण्डकी ‘ए’ जलविद्युत परियाजनाको जलाशयमा पुगेर टुङ्गिन्छ । तीन दिन लाग्ने सो जलयात्रा पर्यटकका लागि निकै आकर्षक गन्तव्यका रुपमा रहेको छ । छोटो र पारिवारिक जलयात्राका लागि ‘फेमिली रिभर’का रुपमा चिनिएको कालीगण्डकी नदीमा लामो, समथर र कम बहाब भएकाले विदेशी

नागरिकहरु अन्य नदी भन्दा कालीगण्डकीलाई रोज्ने गर्दछन् । -याफ्टिङका लागि कालीगण्डकी नदीमा अहिले विदेशी पर्यटकसँगै स्वदेशी पर्यटकको समेत आवागमन बढेको प्याडल नेपालका रिभर गाइड रवीन गुरुङले बताए ।