पाकिस्तानी
पूर्वप्रधानमन्त्री नवाज सरिफले शनिबार सम्पन्न आमचुनावमा आफ्नो पार्टीले
जित हासिल गरेको घोषणा गरेका छन् । प्रारम्भिक मतपरिणामअनुसार सरिफ
नेतृत्वको पाकिस्तानी मुस्लिम लिग-नवाज -पिएमल-एन) सबैभन्दा ठूलो दल बन्ने
निश्चित भएको अन्तर्राष्ट्रिय सञ्चारमाध्यमले जनाएका छन् । चुनावको
मतपरिणामसँगै सरिफ तेस्रोपटक प्रधानमन्त्री बन्ने निश्चित भएको छ ।
शनिबारको चुनावमा कुल आठ करोड ६० लाख मतदाताको ६० प्रतिशत मात्र मत खसेको निर्वाचन आयोगले जनाएको थियो । १९७७ को आमचुनावपछि यति धेरै जनताले मतदान गरेको यो पहिलोपटक भएको आयोगले जनाएको छ । पाकिस्तानमा पहिलोपटक एक जननिर्वाचित निकायले अर्को जननिर्वाचित निकायलाई चुनावमार्फत सत्ता हस्तान्तरण गर्ने भएकाले पनि चुनाव परिणामलाई निकै चासोका साथ हेरिएको छ । पाकिस्तानको ६६ वर्षको इतिहासमा करिब ५० वर्ष सेनाले शासन चलाइसकेको छ ।
चुनाव परिणाम सार्वजनिक भएलगत्तै लाहोरस्थित चुनाव प्रचार मुख्यालयमा रहेका सरिफले परिसरमा भेला भएका कार्यकर्तालाई धन्यवाद दिएका छन् । पाकिस्तानी जनताले आफूलाई कति माया गर्छन् भन्ने कुरा मतपरिणामले प्रस्ट पारेको उनले बताए । 'जनताले मलाई माया गरेभन्दा दुईगुणा बढी म जनतालाई माया गर्छु,' उनले भने । देश तथा जनताको सेवा गर्ने अवसर प्रदान गरेको भन्दै उनले ईश्वरलाई धन्यवाद दिएका छन् । उनले चुनावको समयमा गरेको वाचा पूरा गर्ने कसमसमेत खाए ।
गठबन्धनविना नै सत्ता सञ्चालन गर्न सके स्वतन्त्र ढंगले काम गर्न सकिने उनले बताए । राष्ट्रिय सभाका कुल दुई सय ७२ स्थानमध्ये सरिफ नेतृत्वको दल एक सय १९ सिटमा अग्रस्थानमा छ । चुनावको पछिल्लो मतपरिणामअनुसार पूर्वक्रिकेटर इमरान खान नेतृत्वको तहरिक-ए-इन्साफ दोस्रो स्थानमा रहेको छ । उनको दलले ४० स्थानमा जित सुनिश्चित गरेको जनाइएको छ । भ्रष्टाचारविरोधी अभियान चलाउनुका साथै पाकिस्तानी भूमिमा अमेरिकी ड्रोन हमलाको विरोध गरेका कारण खानको पार्टी दोस्रो स्थानमा उक्लेको अलजजिराले जनाएको छ । आफ्नो दल दोस्रो ठूलो दल बन्न लागेको खुसी व्यक्त गर्दै खानले जिम्मेवार प्रतिपक्षको भूमिका निर्वाह गर्ने बताए ।
शनिबारको चुनावमा कुल आठ करोड ६० लाख मतदाताको ६० प्रतिशत मात्र मत खसेको निर्वाचन आयोगले जनाएको थियो । १९७७ को आमचुनावपछि यति धेरै जनताले मतदान गरेको यो पहिलोपटक भएको आयोगले जनाएको छ । पाकिस्तानमा पहिलोपटक एक जननिर्वाचित निकायले अर्को जननिर्वाचित निकायलाई चुनावमार्फत सत्ता हस्तान्तरण गर्ने भएकाले पनि चुनाव परिणामलाई निकै चासोका साथ हेरिएको छ । पाकिस्तानको ६६ वर्षको इतिहासमा करिब ५० वर्ष सेनाले शासन चलाइसकेको छ ।
चुनाव परिणाम सार्वजनिक भएलगत्तै लाहोरस्थित चुनाव प्रचार मुख्यालयमा रहेका सरिफले परिसरमा भेला भएका कार्यकर्तालाई धन्यवाद दिएका छन् । पाकिस्तानी जनताले आफूलाई कति माया गर्छन् भन्ने कुरा मतपरिणामले प्रस्ट पारेको उनले बताए । 'जनताले मलाई माया गरेभन्दा दुईगुणा बढी म जनतालाई माया गर्छु,' उनले भने । देश तथा जनताको सेवा गर्ने अवसर प्रदान गरेको भन्दै उनले ईश्वरलाई धन्यवाद दिएका छन् । उनले चुनावको समयमा गरेको वाचा पूरा गर्ने कसमसमेत खाए ।
गठबन्धनविना नै सत्ता सञ्चालन गर्न सके स्वतन्त्र ढंगले काम गर्न सकिने उनले बताए । राष्ट्रिय सभाका कुल दुई सय ७२ स्थानमध्ये सरिफ नेतृत्वको दल एक सय १९ सिटमा अग्रस्थानमा छ । चुनावको पछिल्लो मतपरिणामअनुसार पूर्वक्रिकेटर इमरान खान नेतृत्वको तहरिक-ए-इन्साफ दोस्रो स्थानमा रहेको छ । उनको दलले ४० स्थानमा जित सुनिश्चित गरेको जनाइएको छ । भ्रष्टाचारविरोधी अभियान चलाउनुका साथै पाकिस्तानी भूमिमा अमेरिकी ड्रोन हमलाको विरोध गरेका कारण खानको पार्टी दोस्रो स्थानमा उक्लेको अलजजिराले जनाएको छ । आफ्नो दल दोस्रो ठूलो दल बन्न लागेको खुसी व्यक्त गर्दै खानले जिम्मेवार प्रतिपक्षको भूमिका निर्वाह गर्ने बताए ।
कतारमा नेपालीले जिते ८ करोडको चिठ्ठा
१३ बैशाख, काठमाण्डौ । कतारको दोहास्थित अन्तराष्ट्रिय बिमानस्थलको
ड्युटी फ्रि पसलमा खरिद गरेका नेपाली नागरिक डिल्लीराम पराजुलीले करिव ८
करोड ७० रुपैयाँ बराबरको चिठ्ठा जितेका छन ।
पराजुलीको १९२२ नम्बरको चिठ्ठाले बिहीवार १० लाख अमेरिकी डलर जितेको हो ।
लक्की ड्रमार्फत् छानिएको चिठ्ठामा यस प्रकारको रकम जित्ने पहिलो नेपाली
भएको कतार ड्युटी फ्रिले जनाएको छ ।
कतार एयरवेजको प्रमुख कार्यकारी अधिकृत अकबर अल बकरले चिठ्ठाको बिजेता घोषणा गरेका थिए ।
कतार ड्युटी फि्रले सन् २००६ देखि संचालन गरेको ‘वन मिलियन डलर र्याफल’
सुरु गरेको थियो । यस्तो चिठ्ठा जित्ने पराजुली १२ ब्यक्ति हुन् ।
कतारको ड्युटी फि्रलाई लक्षित गरि सुरु गरिएको यो चिठ्ठा किन्न ९ सय ५०
रियाल खर्च गर्नुपर्छ । दोहा बिमानस्थलमा उत्रने, त्यहाँ हुँदै अन्यत्र
उड्ने र ट्रान्जिटमा बस्नेले पनि यस्तो चिठ्ठामा सहभागी हुन पाउँछन ।
एकैपटक ८ करोड ७० लाख रुपैयाँको चिठ्ठा जितेर भाग्य चम्काउने पराजुलीका
बारेमा विस्तृत बिबरण भने खुलाइएको छैन । यसअघि यो चिठ्ठा ८ जना भारतीय,
दुई जना अमेरिकी र एक फिलिपिनोले हात पारिसकेका छन ।
भूकम्पको सट्टा क्षेप्यास्त्रको सूचना
जापानका अधिकारीहरूले भूकम्पको सूचनाको सट्टा उत्तर कोरियाली क्षेप्यास्त्र प्रक्षेपणको सूचना दिए
टोकियो, ३१ चैत । जापानी अधिकारीहरूले
शनिबार बिहान मुलुकको पश्चिमी भागमा गएको भूकम्पको धक्काको सूचना जारी
गर्दा गल्तीले उत्तर कोरियाली क्षेप्यास्त्र प्रक्षेपणको सूचना जारी गरेका
छन् ।
जापानको यातायात मन्त्रालयअन्तर्गत
पश्चिमी ओसाका उड्डयन विभागका एक अधिकारीले ८७ वटा विमानस्थल कार्यालयलाई
झुक्किएर उत्तर कोरियाली क्षेप्यास्त्र प्रक्षेपण भएको सूचनाको इमेल जारी
गरेको मन्त्रालयले जानकारी दिएको छ ।
यी अधिकारीले पश्चिमी ह्योगो प्रशासकीय
क्षेत्रमा ६.३ रेक्टर स्केलको भूकम्प जाँदा विमानस्थलमा परेका क्षतिका
विषयमा जानकारी लिन उक्त सूचना पठाउन चाहेको बताइएको छ ।
यसरी सूचना जारी गर्दा यी अधिकारीले पहिले
नै तयार भएको उत्तर कोरियाली क्षेप्यास्त्र प्रक्षेपण भएको भन्ने इमेल
गल्तीले जारी गरेको मन्त्रालयले उल्लेख गरेको छ ।
उक्त सन्देशको खण्डन छ मिनेटमै गरिएको थियो भने यसबीच एक उडानको समय ढिला गर्ने कार्य भइसकेको उक्त मन्त्रालयले जनाएको छ ।
उत्तर कोरियाले मध्यम दूरीको
क्षेप्यास्त्र प्रक्षेपण गर्ने तयारी गरेको समयमा जापान हाल पूर्ण सतर्क
अवस्थामा रहेको छ र राजधानी टोकियोका तीन करोड जनताको सुरक्षाका लागि
प्याट्रियोट क्षेप्यास्त्र तैनाथ गरिएको छ ।
यसै गरी जापानी जल क्षेत्रमा क्षेप्यास्त्र प्रतिरोधक प्रणाली सहित डिस्ट्रोयर तैनाथ गरिएको छ ।
बुधबार पनि जापानी नगर योकोहामाका
अधिकारीहरूले ट्विटरका ४० हजार व्यक्तिलाई गल्तीले उत्तर कोरियाली
क्षेप्यास्त्र प्रक्षेपण भएको सन्देश जारी गर्दा नराम्रो अनुभव गर्नुपरेको
थियो ।
दक्षिणपश्चिमी ‘सेतो इनल्यान्ड सी’मा
अवस्थित आवाजी द्वीप नजिकै बिहान स्थानीय समय अनुसार ५ : ३३ बजे ६.३ रेक्टर
स्केलको भूकम्प जाँदा केही घरहरू भत्कनाका साथै २४ व्यक्ति घाइते भएको
जानकारी जापानको जलवायु विज्ञान विभागले दिएको छ ।
इराकमा नेपाली चेलीको हत्या
२६ चैत, काठमाण्डौं । प्रतिबन्धित मुलुक
इराकमा काम गर्न पुगेकी धादिङ तिप्लिङ ६ की सुमिता तामाङको बग्दाद नजिकै एक
इराकी मालिकको घरमा हत्या भएको छ। बग्दाद नजिकै जादि्रयामा एक इराकीको घरमा
काम गर्ने सुमितालाई मार्च २८ (चैत १५)को बिहान ६ बजे भान्सामा काम
गरिरहेका बेला घर मालिकका ‘मानसिक सन्तुलन ठीक नभएका छोराले छुरा प्रहार
गरी हत्या गरेको स्थानीय व्यवसायी ध्रुव कुवँरले बताएका छन् ।
शवलाई हाल स्थानीय अस्पतालमा राखिउको छ ।
‘सुनिताले काम गर्ने घर नजिकै घरेलु कामदार रहेकी ठूलोबाकी छोरीले मलाई यो
घटनाका बारेमा जानकारी गराएकी हुन,’ कुँवरले फोनमा भने, कान्तिपुर दैनिकमा
खबर छ । इराकी घर मालिकसँग सम्पर्क गर्ने र उक्त अस्पतालमा भ्रमण गर्ने
योजना रहेको उनले सुनाए । २३ बर्षकी सुमिताको बुबाआमाको नाम दुर्गा र
सुष्मा तामाङ रहेकाले सोही आधारमा धादिङस्थित घरको पहिचान गरेर शव फर्काउने
कुटनीतिक प्रयासका लागि इस्लामाबादस्थित नियोगलाई जानकारी गराइएको छ ।
घटनाको पुष्टि गर्दै गैरआवासीय नेपाली संघ
इराकका अध्यक्ष लालकाजी गुरुङले दुई बर्षमा काम गर्ने सम्झौता सकिएपछि २३
बर्षकी सुमिताले हालै जादि्रयास्थित नयाँ घरमा काम थालेको बताए । ‘म
कुर्दिस्थानमा रहेकाले बग्दादमा रहेका नेपाली मार्फत मृतक युवतीबारे थप
बुझ्ने प्रयासमा छु,’ उनले भने । इराकमा हाल ३० हजार भन्दा बढी नेपाली
रहेकामा पाँचहजार जति महिला रहेका छन् ।
यसरी लुटिन्छन् मलेसियामा नेपाली श्रमिक !
विदेशमा पैसा कमाउनभन्दा जोगाउन गाह्रो
अर्जुन काफ्ले
क्वालालम्पुर । फेब्रुअरीको पहिलो हप्ता
एकाविहानै कामका लागि साथीसँगै कम्पनी हिँडेका तनहुँका सन्त गुरुङ्ग बाटैमा
लुटिए । उनका साथमा रहेको एक थान मोवाइल पनि लुटेराले लगे । त्यसयता उनी
सधैंजसो त्रासमा बस्न थालेका छन् । ’बाटामा हिँड्दै थियौं एक्कासी पछाडिवाट
मोटरसाइकलमा आएका लुटेराले समातेर सामान खोसे ।’ गुरुङले भने-’लुटेराबाट
बच्न खोज्दा अर्का साथी घाइते भए ।’
गुरुङ्ग
त प्रतिनिधि पात्रमात्रै हुन्, मलेसियामा रोजगारीमा आएका नेपाली श्रमिकहरु
दिनैपिच्छे लुटिने गरेका छन् । आफुले कमाएको रकम सुरक्षितरुपमा घर
पठाउनसमेत समस्या हुने गरेको अनुभव छ १२ वर्षदेखि मलेसियामा कार्यरत
मोरङ्गका बासु काफ्लेको । काफ्ले भन्छन्-’बैँकमा रकम जम्मा नगरुन्जेलसम्म
ढुक्क हुनै सकिन्न । होस्टेलबाट बाहिर निस्केपछि फेरि होस्टेल नपुग्जेल
त्रासमै हिँड्नुपर्छ ।’
शाह आलममा बस्दै आएका स्याङ्गजाका जीवन
गुरुङ्गले पनि थुप्रैपटक लुटेराको सामना गरेका छन् । उनको अनुभव छ-
‘लुटेराहरुले मोटरसाइकलदेखि कारसम्म प्रयोग गर्छन् । को लुटेरा हुन् भन्ने
नै थाहा हुँदैन ।’ झापा घर भई सात वर्षदेखि मलेसिया बस्दै आएका विजय
मिश्रको अनुभवमा लुटेराले सवारी साधनको नम्बर प्लेट छोपेर लुट्न आउने र
भाग्ने गर्छन् ।
साथमा पैसा र अन्य सामाग्री नभए लुटेराले
नेपाली श्रमिकमाथि कुटपिट गर्ने गरेको अनुभव सुनाउँछन सुनसरीका पदम अधिकारी
। उनको दुखेसो छ-’पैसा नपाए हतियार प्रयोग गरी घाइते बनाउँछन् । अपाङ्ग नै
हुने डर हुन्छ ।’ केही समयअघि यस्तै घटनावाट पीडित भएका उनी अहिले एक्लै
होस्टेल बाहिर निस्कँदैनन् । ‘बैंक र बजार जान पनि समुह बनाएर मात्रै जाने
गरेको छु’-उनले आफनो पीडा सुनाए । प्रतिकार गर्न खोज्नेहरुलाई लुटेराले
हतियार प्रयोग गरी घाइते बनाउने गरेको अनुभव छ जोहरबारु बस्दै आएका
मोरङ्गका नारायण पोख्रेलको । उनी भन्छन्-’धेरै साथी प्रतिकार गर्न खोज्दा
घाइते भई अस्पताल बसेका छन् ।’ लुटेराले साथमा हतियार बोकेर हिँडने गरेको
पोख्रेलको भनाइ छ ।
मलेसिया आएको एक महिनामै आफु लुटिएको पीडा
दाङका आशु चौधरीको छ । ‘लुटेराले परिचित जस्तो गरेर बोलाए, नजिक
जानेवित्तिकै चक्कु देखाएर नगद लुटे ।’ चौधरीले भने- ‘यस्तो अबस्थामा कसलाई
विश्वास गर्नु ?’ ग्यान्टिङ्ग हाइलैण्ड बस्दै आएका मोरङका गोविन्द खनाल
लुटेराहरुले विदेशी कामदारलाई पहिचान गरेर लुटने गरेको अनुभव सुनाउँदै
भन्छन्-’सँगै हिँडेका स्थानीयलाई केही गर्दैनन्, हामीलाई मात्रै लुट्छन
।’ कैलाली घर भई साहआलममा कार्यरत कृष्ण गिरी राम्रा कम्पनीको तलव कहिले
आउँछ भन्ने हेक्का राखेर लुटेराले योजना बनाउने गरेको बताउँछन् । तलव आउने
दिनमा बाटो ढुकेरै लुट्ने गरेको उनले सुनाए ।
कतिपय कम्पनीले भने बाहिर लुटपाटका
घटनाहरु हुन थालेको जानकारी पाएपछि कम्पनीभित्रै या नजिकै एटिएम मेशिनको
व्यवस्था गरेका छन् । तर, अधिकांश कम्पनीमा यस्तो सुविधा नभएको श्रमिकहरुको
गुनासो छ । नेपाली दुतावासले पनि यसमा चासो लिएर जनचेतनाको कार्यक्रम
थाल्ने हो भने रगत र पसीना बगाएर कमाएको पैसा लुटिनबाट नेपालीहरु जोगिने
थिए कि ?
नेपाली युवतीहरू ‘सेक्स पार्लर’मा
सीमा जोडिए पनि खासाको समय
नेपालको भन्दा दुई घण्टा फरक छ। नेपालमा ३ बज्दा त्यहाँ ५ बजिसकेको हुन्छ।
खासा जान चाहनेहरूले नेपाली ३ बजेभित्र मितेरीपुल पार गरिसक्नुपर्छ। नेपाली
३ बजेपछि खासा प्रवेशमा रोक लगाइएको छ। दिउँसो खासा बजार सुनसान हुन्छ।
नेेपालको ५ बजेपछि त्यहाँको बजार क्रमिक रूपमा खुल्छ। जतिजति रात पर्दै
जान्छ त्यहाँको रौनक तीव्र गतिमा अघि बढ्न थाल्छ।
बजारको सडक छेउछाउमा रहेका होटल, डिस्को तथा झुपा -बियर बार) का
रंगीविरंगी बत्तिका झल्याकझुलुक एवं गीतको चर्को ध्वनिले सडकलाई नै
रोमाञ्चक बनाइदिन्छन्। त्यहाँका होटल, डिस्को तथा झुपा सेक्स केन्द्र हुन्
जहाँ कसैको अवरोध हुँदैन। नेपाली युवतीहरूले डिस्को तथा झुपाभन्दा बाहिर
गएर कारोबार गर्न पाउँदैनन्। चिनियाँ सरकारले स्थानीय युवतीहरूलाई मात्र
‘सेक्स पार्लर’ सञ्चालन गर्न अनुमति दिएको छ। चिनियाँ युवतीहरूले सटर
भाडामा लिएर त्यस्तो पार्लर खोलेका छन्।
तातोपानी नाका हुँदै मितेरीपुल कटेर चीनको खासा बजारसम्म पुग्न
पुलपारीबाट सवारी साधन चढ्नैपर्ने हुन्छ। मितेरीपुलकै छेउमा रहेको चिनियाँ
अध्यागमनको चेकजाँच कक्षबाट बाहिरिएलगत्तै खासा बजार पुग्न भाडाका सवारी
पाइन्छन्। त्यहाँबाट ११ किलोमिटरमाथि खासा बजार छ। मितेरी पुलबाट खासाबजार
पुग्न १ सय ५० नेपाली रूपैयाँ -१० घोर्मु) भाडा लाग्छ। भाडाका सवारी
चलाउने चालकले थौरै मात्र नेपाली भाषा जानेका हुन्छन्। सवारी साधनमा बसेर
यात्रा गर्ने क्रममा -त्यहाँ कुनै महिला छैनन् भने) ड्राइभरले हाँस्दै
सोधिहाल्छन्- ‘सेेक्स – अश्लील शब्दको प्रयोग) गर्ने हो ? नेपाली पनि छन्,
चाइनिज पनि।’ ड्राइभरको कुरा सुनेर जो कोही अचम्मित हुनसक्छन्। चालकको
कुराबाट सहजै अनुमान गर्न सकिन्छ, खासा बजारको विशेषता।
सीमा जोडिए पनि खासाको समय नेपालको भन्दा दुई घण्टा फरक छ। नेपालमा ३
बज्दा त्यहाँ ५ बजिसकेको हुन्छ। खासा जान चाहनेहरूले नेपाली ३ बजेभित्र
मितेरीपुल पार गरिसक्नुपर्छ। नेपाली ३ बजेपछि खासा प्रवेशमा रोक लगाइएको छ।
दिउँसो खासा बजार सुनसान हुन्छ। नेे पालको ५ बजेपछि त्यहाँको बजार क्रमिक
रूपमा खुल्छ। जतिजति रात पर्दै जान्छ त्यहाँको रौनक तीव्र गतिमा अघि बढ्न
थाल्छ।
बजारको सडक छेउछाउमा रहेका होटल, डिस्को तथा झुपा -बियर बार) का
रंगीविरंगी बत्तिका झल्याकझुल्ाुक एवं गीतको चर्को ध्वनिले सडकलाई नै
रोमाञ्चक बनाइदिन्छन्। त्यहाँका होटल, डिस्को तथा झुपा सेक्स केन्द्र हुन्
जहाँ कसैको अवरोध हुँदैन। नेपाली युवतीहरूले डिस्को तथा झुपाभन्दा बाहिर
गएर कारोबार गर्न पाउँदैनन्। चिनियाँ सरकारले स्थानीय युवतीहरूलाई मात्र
‘सेक्स पार्लर’ सञ्चालन गर्न अनुमति दिएको छ। चिनियाँ युवतीहरूले सटर
भाडामा लिएर त्यस्तो पार्लर खोलेका छन्।
डिस्को र झुपामा आएका ग्राहकसँग नारिंदै उनीहरूको टेबुलमा गिलास राखेर
बियर हाल्दै सँगै बसेर बियरको चुस्की लगाउँदै ग्राहकलाई फकाउनु, स्पर्श
गर्नु, सँगै चुरोटको सर्को लिएर ग्राहकसँग मस्की-मस्की नाच्नु र आर्थिक
कुरा मिलेपछि सानो अँध्यारो कोठामा जानु त्यहाँ काम गर्ने नेपाली
युवतीहरूको दैनिकी हो। ‘सेक्स पार्लर’ खोलेर बसेका चिनियाँ युवतीहरूले
त्यही वा होटलसम्म पुगेर ग्राहकको चाहना पूरा गर्नु उनीहरूको दैनिकी हो।
‘चाइनिजहरू नेपाली युवती मन पराउँछन्,’ चार वर्षदेखि बियर बारमा काम
गर्दै आएकी सिन्धुलीकी सपनाले सुनाइन्, ‘नेपालबाट आएकाहरू भने चाइनिजलाई
मन पराउँछन्।’ नेपाली, चाइनिज, तिब्बती तथा केही भारतीय नागरिक खासाको
सेक्स बजारका प्रमुख ग्राहक हुन्।
सडककै छेउमा रहेका सटर भाडामा लिएर सेक्स पार्लर खोल्ने चिनियाँ
युवतीहरूले सामान्य नेपाली मात्र जानेका छन्, जुन यौन व्यवहारसँग मात्र
सम्बन्धित हुन्छन् वा उपयुक्त मानिन्छन्। चिटिक्क परेर सटर भित्र बसेका
उनीहरू सडकमा हिँडिरहेका ग्राहकलाई बोलाउँदै भन्छन ‘ ………गर्ने हो, एक पटक
१५ सय, होल नाइट ५ हजार।’ उनीहरूले एक पटक सेक्स गरेबापत ५ सय रूपैयाँदेखि
१५ सय रूपैयाँसम्म लिन्छन। डिस्को तथा बियर बारमा नेपालीका अतिरिक्त
तिब्बती युवतीहरूसमेत उपलब्ध हुन्छन्।
नेपाली समयअनुसार रातको ३ बजेपछि त्यहाँका डिस्को तथा बियर बारहरू बन्द
हुन्छन्। त्यसपछि त्यहाँ काम गर्ने नेपाली युवतीहरू यौन व्यापारमा सक्रिय
हुन्छन्, तर चिनियाँ युवतीहरू भने रातभर ग्राहक खोजिरहेका हुन्छन्। नेपाली
समय साँझ ५ बजेदेखि रातको ३ बजेसम्म डिस्को वा बियरबारमा काम गर्नु नेपाली
युवतीहरूको ‘ड्युटी आवर’ हो। ‘यहाँ ढुक्क भएर कारोबार गर्न पाउँछौं,
किनभने यहाँको सरकारले ‘सेक्स पि|m’ गरिदिएको छ,’ सपनाले भनिन् ,’ढुक्क
भएर यस्तो कारोबार गर्नुको मज्जा बेग्लै हुन्छ। कसैले चिन्ला भन्ने डर पनि
छैन, कमाइ पनि राम्रै।’ उनले खासा आउनुअघि एक वर्ष ठमेलको मसाज सेन्टरमा
काम गरिसकेकी रहिछन्। नेपाली युवतीले एक पटकको २ हजार ५ सय रूपैयाँदेखि
होलनाइटको १० हजार रूपैयाँसम्म लिन्छन्। तोकिएको शुल्क तिरेर नेपाली
युवतीसँग रात बिताउने नेपाली ग्राहकहरू पनि उल्लेख्य छन।
उनीहरू राति ३ बजेदेखि बिहान १० बजेसम्म ग्राहकसँग रात बिताएर कोठा
र्फकन्छन्। रात बिताउन उनीहरू ग्राहकले खोजेको होटलका कोठा वा आफैले
खोजेको लजसम्म पुग्छन। दिउँसो ११ बजेदेखि १२ बजेसम्म खाना खाएर सुत्छन् भने
साँझ ५ बजे उठेर प|mेस हुन्छन। प|mेस भैसकेपछि श्रृंगारपटार गरी कार्य
क्षेत्रमा गएर उही काम दोर्याउँछन्। त्यहाँ रहेका डिस्को तथा बियरबारमा
चुरोट र बियरको मूल्य एउटै छ। चुरोट प्रतिप्याकेट २ सय २५ रुपैयाँ र
ल्ाासा बियर प्रतिक्यान १ सय ५० रूपैयाँ। त्यसका अतिरिक्त रक्सीका अनेकन
भेराइटी उपलब्ध हुन्छन्, तर चलेको लासा बियर हो। त्यहाँ नेपाली ब्रान्डका
रक्सी पनि पाइन्छन् जुन यहाँको भन्दा दोब्बर महँगो पर्छ। खासामा रक्सीको
तुलनामा खानेकुरा अझ महँगो छ।
डिस्कोमा काम गदै आएकी सर्लाही घर बताउने कल्पनाले मस्किदै भनिन्,
‘चाइनिज केटीहरूले हाम्रो भाउ बिगारिसके। उनीहरू हामीभन्दा सस्तोमा काम
गर्छन्।’ पछिल्लो केही समययतादेखि नेपाली ग्राहकसमेत आपmनो आम्दानीको
राम्रो स्रोत बनेको कल्पनाले बताइन्। ड्युटी आवर सकिएपछि जसले बढी पैसा
दिन्छ उसैसँग रात बिताउने उनले सुनाइन्। ‘एक पटकका लागि हो भने, ड्युटी
आवरभित्रै मिल्छ,’ उनले थपिन् ‘अन्यथा ड्युटी सकिएपछि मात्र।’ चाइनिज
ग्राहक भेटिएसम्म नेपाली युवतीहरू अरूसँग जाँदैनन्। ‘चिनियाँहरू हामी
भनेपछि मरिहत्ते गर्छन् ?’ उनले भनिन्- ‘उनीहरूबाट राम्रो कमाइ हुन्छ।
नेपालीहरू पात्तिएका हुन्छन्। पैसा दिन पनि कन्जुस्याइँ गर्छन्।’ खासाको
सेक्स बजार वा रे डलाइट एरियाका सम्बन्धमा जानकार कल्पनाले नेपालका
उच्चपदस्थ कर्मचारी, व्यापारीदेखि लिएर चिनियाँ पुलिस तथा सैनिकहरूसमेत
आफ्ना ग्राहक भएको जानकारी दिइन्। ‘चिनियाँहरूसँग संसर्ग गर्न नेपालबाट
ठूलो पदमा पुगेका मानिस र व्यापारीहरू आउने गरेका छन्,’ उनले भनिन्, ‘हामी
नेपाली केटीको स्वाद चाख्न चिनियाँ व्यापारी, पुलिस एवं सैनिकहरू बढी
आउँछन्।’ होटलमा बसेका चाइनिजका लागि होटलले नै आफूहरूलाई बोलाउने गरेको
उनले बताइन्। खाने, बस्ने सुविधासहित नेपालको भन्दा बढी मासिक कमाइ खासामा
काम गर्ने ने पाली युवतीहरूको आकर्षण हो। मासिक तलब मात्र न्यूनतम ७
हजारदेखि १४ हजार रूपैयाँसम्म हुन्छ। सेक्स कारोबारबाट प्रतिमहिना एउटी
युवतीले ७० हजारभन्दा बढी कमाउँछे। खासामा ५ वटा डान्सवार, २ दर्जन होटल
तथा २० भन्दा बढी सेक्स पार्लर छन्। ‘यहाँ पेसा गरी खान चौबीसै घण्टा
खुल्ला छ,’ बियरबारमा कार्यरत सरुजाले भनिन्- ‘कमायो, मस्ती गर्यो।’
चिनियाँ ग्राहकले ठूलो स्तन भएकाहरूलाई मन पराउने गरेको समेत उनले
सुनाइन्। ‘स्तन ठूलो भए चिनियाँ ग्राहकले पैसा बर्साउँछन्,’ उनले भनिन्-
‘चिनियाँ युवतीका स्तन साना हुँदा रहेछन्।’ खासामा काम गर्ने अधिकांश
नेपाली युवती आफ्नो खुसीले त्यहाँ आएको बताउँछन्। ‘उताभन्दा यता राम्रो
होला भनेर स्वेच्छाले आएकी हुँ,’ बियरले मात्तिएकी करिश्माले भनिन्-
‘कसैले यहाँ ल्याएर बेचेको होइन।’
खासाको सेक्स बजारमा कार्यरत नेपाली युवतीमा १५ वर्षदेखि २९
वर्षसम्म्ाका छन। चिनियाँ युवतीहरू १७ वर्षदेखि ४२ वर्षसम्मका छन्।
चिनियाँ युवतीहरू कन्डम नलगाई सेक्स गर्न मान्दैनन् भने बाहिरबाट ल्याएको
कन्डमसमेत प्रयोग गर्दैनन्। पैसा अलि बढी दिएपछि नेपाली युवतीहरू भने
कन्डमबिना पनि सेक्स गर्न तयार हुने गरेका छन्। सरकारले प्रत्येक दुई
महिनामा खासा बजारमा रहेका युवतीहरूको रक्त परीक्षण गराउँछ। परीक्षणमा
गम्भीर रोग देखिए चिनियाँ युवतीलाई सेक्स पार्लरमा बस्न दिइदैन भने
नेपालीहरूलाई आफ्नै देशतिर फर्काइन्छ।
कसरी पुग्छन् नेपाली युवती ?
त्यहाँ पुग्ने अधिकांश नेपाली युवतीले काठमाडौं लगायत ठूला सहरका होटल,
डान्सबार वा मसाजमा काम गरिसकेका हुन्छन्। पेसा गर्न प्रहरी प्रशासनको
कुनै रोकावट नहुने, खाई-बसी राम्रो कमाइ हुने भन्दै स्थानीय दलालले नेपाली
युवतीहरूलाई नक्कली नागरिकता र विद्यालयको नक्कली परिचयपत्र बनाएर खासा
छिराउने गरेका छन्। त्यसमा चिनियाँ प्रहरीले समेत दलाललाई सघाउने गरेको
बताइन्छ।
‘म यहाँ आउनुअघि नक्कली नागरिकता र विद्यालयको कार्ड बनाएर युवतीहरूलाई
खासा पुर्याउने गरिएको रहेछ,’ अध्यागमन कार्यालय को दारी, तातोपानीका
प्रमुख जगन्नाथ शर्माले भने, ‘उताको सिमामा बसेका प्रहरीहरूको मिलेमतोमा
राति यताबाट युवतीहरू पठाउने काम हुँदो रहेछ।’ उनी कोदारी आएको १५ महिना
भएको छ।
युवतीहरूलाई खासा प्रवेश गर्न रोक्न राति उताको अध्यागमनबाट मानिस
छिराउन नदिन चिनियाँ पक्षसँग अनेकौं पटक वार्ता गरेर सफलता प्राप्त गरेको
शर्माले बताए। नेपाली दलालले सरस्वती निमावि, नयाँ बानेश्वरको नामको नक्कली
विद्यार्थी परिचयपत्र तातोपानीमै बनाई नेपाली युवतीहरूलाई खासा
भित्र्याउने गरेको रहस्यसमेत खुलिसकेको छ। त्यसका लागि नेपाली दलालले
प्रतियुवती १० हजार रुपैयाँ लिने गरेका छन्।
‘नागरिकताका आधारमा खासा प्रवेश गर्न एक दिने पास दिनैपर्छ,’ अध्यागमन
प्रमुख शर्माले भने ‘त्यसको दुरूपयोग गर्दै नेपाली युवतीहरू त्यहाँ पुगेको
पाइन्छ।’ अध्यागमन कार्यालयले सिन्धुपाल्चोकका बासिन्दालाई नीलो र सवारी
चालक/सहचालक एवं व्यापारहरूलाई रातो पास उपलब्ध गराउँदै आएको छ। नीलो तथा
रातो पास हरेक वर्ष नवीकरण गर्नुपर्छ। खासामा पुगेर एक महिना काम गरिसकेपछि
चिनियाँ दलालले कमिसन खाएर तीन महिनाका लागि अस्थायी पास बनाइदिने गरेका
छन्।
खासा पुगी यौन व्यवसाय चलाउनेहरूमा सिन्धुपाल्चोक, काभ्रे, नुवाकोट,
धादिङ, काठमाडांै, सर्लाही, सिन्धुली, झापा, मकवानपुर आदि दुई दजर् नभन्दा
बढी जिल्ल्ााका नेपाली युवती छन्। खासा बजारमा केही समय काम गरिसकेपछि
चिनियाँ दलाललाई पैसा ख्वाएर नेपाली युवतीहरू चीनको मेल्म, लाह्सा,
गोन्जाउसम्म पुग्ने गरेका छन्। त्यहाँ गएर काम सुरु गरेपछि सबै कागजपत्र
साहूले लिने भएकाले उनीहरू चाहेको बे ला नेपाल र्फकन सक्दैनन्।
नेपाली युवतीलाई खासा जानबाट रोक्न तातोपानीमा माइती नेपालले १५ महिना
यतादेखि शाखा खोलेर उद्धारको काम गर्दै आएको छ। ‘ हालसम्म ५८ जना नेपाली
युवतीलाई उता जान रोक्यौं,’ माइती नेपालका शाखा संयोजक सहदेव तिवारीले भने,
‘त्यहाँ अलपत्र परेका ६ जना नेपाली युवतीलाई उद्धार गरी नेपाल
ल्याएकाछौं।’ केही महिनाअघि शाखाले गरेको सर्वेक्ष्ाणअनुसार खासामा मात्र १
सय ५० जना नेपाली युवती सेक्स वर्कसका रूपमा कार्यरत छन्।
अष्ट्रेलियामा भएको सडक दुर्घटनामा एक नेपालीको मृत्यु दुई घाइते
अष्ट्रेलिया,
चैत्र २२ । अष्ट्रेलियामा भएको कार दुर्घटनामा पाल्पा घर भएकी २७ वर्षीया
युवती आशा गाहाको मृत्यु भएको छ भने २ घाइते भएका छन् । एक जना युवाहरु
अस्पतालबाट घर फर्किसकेका छन् । घाइतेमध्य एकजनाको अवस्था गम्भीर छ ।
मृतक आशालाई नयाँ जागर पाएको स्थानतिर पु्याउन जाने क्रममा नेपालीहरु डार्विन क्षेत्रको माटाराङ्गा भन्ने क्षेत्रमा दुर्घटनामा परेका थिए । दुई युवाको डार्विनमा रहेको डार्विन रोयल अस्पतालमा उपचार भइरहेको छ । उनीहरुको अवस्था अहिले खतरामुक्त रहेको छ । कारमा दुईवटा चरा आएर ठोक्किएपछि दुर्घटना भएको बताइएको छ ।
दुर्घटनामा घाइते मृतक र घाइते सबै पाल्पा जिल्लाका हुन् ।
उक्त दुर्घटनामा एक युवा भने सामान्य घाइते भएका थिए । मृतक सिड्नीमा अध्ययनरत रहेको बुझिएको छ । सिड्नीबाट करिब ४ हजार किलोमिटरको दुरीमा रहेको डार्विन जाने क्रममा डार्विनभन्दा १ सय ३० किलोमिटर छेउमा उनीहरुको सवारी दुर्घटना भएको हो ।
नेपाली दुतावासका उप नियोग प्रमुख लोकबहादुर थापाले पीडितहरुको परिवारलाई सम्पर्कको प्रयास भइरहेको बताए । दुतावास, एनआरएन र नेपाली समाजको पहलमा युवतीको शव डार्विन ल्याउने प्रयास भइरहेको छ ।
मृतक आशालाई नयाँ जागर पाएको स्थानतिर पु्याउन जाने क्रममा नेपालीहरु डार्विन क्षेत्रको माटाराङ्गा भन्ने क्षेत्रमा दुर्घटनामा परेका थिए । दुई युवाको डार्विनमा रहेको डार्विन रोयल अस्पतालमा उपचार भइरहेको छ । उनीहरुको अवस्था अहिले खतरामुक्त रहेको छ । कारमा दुईवटा चरा आएर ठोक्किएपछि दुर्घटना भएको बताइएको छ ।
दुर्घटनामा घाइते मृतक र घाइते सबै पाल्पा जिल्लाका हुन् ।
उक्त दुर्घटनामा एक युवा भने सामान्य घाइते भएका थिए । मृतक सिड्नीमा अध्ययनरत रहेको बुझिएको छ । सिड्नीबाट करिब ४ हजार किलोमिटरको दुरीमा रहेको डार्विन जाने क्रममा डार्विनभन्दा १ सय ३० किलोमिटर छेउमा उनीहरुको सवारी दुर्घटना भएको हो ।
नेपाली दुतावासका उप नियोग प्रमुख लोकबहादुर थापाले पीडितहरुको परिवारलाई सम्पर्कको प्रयास भइरहेको बताए । दुतावास, एनआरएन र नेपाली समाजको पहलमा युवतीको शव डार्विन ल्याउने प्रयास भइरहेको छ ।
No comments:
Post a Comment