१७ साउन, काठमाण्डौं । राष्ट्रपति डा.
रामबरण यादबले मंसिर ४ का लागि तय भएको संविधानसभा निर्वाचनमा कुनै पनि दल
छुट्न नहुने बताउनुभएको छ ।
एकीकृत
नेकपा माओवादीका अध्यक्ष पुष्पकमल दाहालसँग आज शीतल निवासमा भएको भेटमा
राष्ट्रपति यादबले दलहरुबीच भइरहेको छलफलको निष्कर्षका बारेमा बुझ्दै
सम्पूर्ण दललाई चुनावमा सहभागी गराउने पहल गर्न आग्रह गर्नुभएको हो । उहाँले
निर्वाचनको विपक्षमा रहेका दलहरुसँग वार्ता गरी चाँडो निर्वाचनमा सहभागी हुने वातावरण बनाउन पनि आग्रह गर्नुभएको थियो । जवाफमा प्रचण्डले दलहरुबीच निर्वाचन गर्ने
विषयमै सहमति जुटाउन विभिन्न चरणमा छलफल भइरहेको र निर्वाचनको विपक्षमा
रहेका दलहरुसँग पनि विना सर्त वार्ता गर्न सरकारले पत्राचार गरेकाले अव
चाँडै निकास निस्कने बताउनुभएको थियो ।
No comments:
Post a Comment