पोर्चुगलको लज्जास्पद हार, जर्मनीसँग ४-० ले पराजित

काठमाडौं, असार ३ – जारी विश्वकप फुटबल प्रतियोगिता अन्तरगत समुह जी को पहिलो खेलमा जर्मनीले सानदार जित हात पारेको छ । सोमबार राती सम्पन्न खेलमा थोमस मुलरको ह्याट्रिकको मद्यतले जर्मनीले पोर्चुगललाई ४-० ले हरायो । यो संस्करणको विश्वकप फूटबल प्रतियोगितामा उपाघीको दावेदार मानिएको पोर्चुगलले जर्मनीसँग जज्जास्पद हार बेहोर्न पुगेको हो । खेलको ११ औं मिनेटमै खोल खान पुगेको पोर्चुगलको यो क्रम रोकिएन । थोमस मुलरले पहिलो गोल खेलको १२ औं मिनेटमा पेनाल्टीमार्फत गरेका थिए । वान भर्सेज वानको अवस्थामा पोर्चुगलका खेलाडीले जर्मन खेलाडीलाई डी बक्सभित्र लडाएपछि रेर्फ्रीले पेनाल्टी दिएका थिए । सो मौकालाई

मुलरले भरपुर उपयोग गरे । यस्तै पहिलो हाफको अन्त्यतिर र ७८ औं मिनेटमा अर्को गोल गरेर उनले हृयाटि्रक पुरा गरे । खेलको ३२ औं मिनेटमा भने हुमेल्सले गोल गरेका थिए । तीन गोलसँगै मुलर गोल्डेन बुटको दावेदारमा सबैभन्दा अघि छन् । चार वर्ष अघिको विश्वकपमा पाँच गोल गरेर मुलरले गोल्डेन बुट जितेका थिए । जर्मनीको हौसला बढाउनरंगशालामा चान्सलर एञ्जेला मर्केल समेत पुगेकी थिइन् । खराब प्रदर्शन गरेको पोर्चुगलले केहि सुन्दर मौका पाएपनि त्यसलाई गोलमा परिणत गर्न सकेन । खेलको सुरुतिरै कप्तान क्रिष्टियानो रोनाल्डो लग्रता लिनबाट चुकेका थिए । यस्तै पछिपनि यता खेलको भरपर्दा डिफेण्डर पेपेले ३७ औं मिनेटमा पेपे रेडकार्ड पाएर मैदानबाट बाहिरिएपछि पोर्चुगल निकै दवावमा रहृयो ।