निजी विद्यालयहरु अनिश्चितकालका लागि बन्द

              चितवन, माघ ९–पूर्वसहमती कार्यान्वयन नभएको भन्दै नेपाल संस्थागत विद्यालय शिक्षक यूनियन (नेपाल ईष्टु) चितवनले आजदेखि नीजि विद्यालयहरु अनिश्चितकालको लागि बन्द आह्वान गरेको छ ।

                  जिल्ला शिक्षा कार्यालयको रोहबरमा प्याब्सनसँग भएको १८ प्रतिशत तलव बृद्धि र एक हजार महँगी भत्ता उपलव्ध गराउनुपर्ने सम्झौता लागु नभएको भन्दै नेपाल ईष्टुले चितवनका विद्यालय बन्द गरेको हो । ईष्टुको आन्दोलनका कारण चितवनका डेढ सयभन्दा बढि विद्यालयका झण्डै ८ हजार विद्यार्थीको पठनपाठन प्रभावित भएको छ । माग पुरा नभएसम्म विद्यालय खुलाउन

नसकिने नेपाल संस्थागत विद्यालय शिक्षक यूनियन (नेपाल ईष्टु) चितवन अध्यक्ष विष्णुबहादुर भुजेलले बताउनुभयो । विगतमा भएका सहमतिहरु कार्यान्वयन नगर्ने प्याब्सनका कारण विद्यार्थीहरुको पठनपाठन प्रभावित भएको भन्दै सोको जिम्मा प्याब्सनले नै लिनुपर्ने भुजेलको भनाइ छ ।