९ माघ, काठमाण्डौ । काँग्रेस संसदीय दलको
नेताका विषयमा शीर्ष तीन नेतावीच सहमति हुन नसकेपछि दलको नेता चयनको चुनावी
प्रक्रिया सुरु हुँदैछ ।
संसदीय दलको नेताका लागि सभापति सुशील
कोइराला, बरिष्ठ नेता शेरवहादुर देउवा र उपसभापति रामचन्द्र पौडेलले आआफ्नो
अडान नछोडेपछि काँग्रेस निर्वाचन समितिले दलको नेता चयनका लागि बिहीवारवाट
चुनावी प्रक्रिया थालनी गर्न लागेको हो । दिलेन्द्र बडु संयोजक रहेको
निर्वाचन समितिले बिहीवार मतदाताको नामावली प्रकाशित गर्दैछ ।
विहान साढे ११ बजे पहिलो नामावली प्रकाशित
गरेपछि दावी
विरोधको प्रक्रिया पूरा गरेर दिउँसो ३ बजे अन्तिम सूची
सार्वजनिक गरिने प्रवक्ता एवम् समितिका संयोजक बडुले जानकारी दिए ।
निर्वाचन तालिका अनुसार माघ ११ गते उम्मेदवारी दर्ता हुनेछ भने १२ गते
विहान साढे ८ बजेवाट मतदान प्रक्रिया सुरु हुने छ ।
No comments:
Post a Comment