१८ माघ, काठमाडौं । बहिर्गमित पूर्व
लडाकूहरुले लडाकूहरुको शिविरमा भ्रष्टाचार भएको भन्दै छानविनको माग गरेका
छन् । एमाओवादी पार्टी भ्रष्टाचार र तस्करीको अखडा भएको आरोप लगाउँदै
उनीहरुले राज्यले तत्काल छानविन नगरे अन्तराष्ट्रिय समुदायको सहयोग लिने
बताए ।
शनिबार राजधानीमा पत्रकार सम्मेलन गरेर
उनीहरुले भनेका छन्-हामी शान्तिपूर्ण तरिकाले पार्टीले गरेका भ्रष्टाचारको
मुद्दा किनारा लागोस भन्न चाहान्छौं, राज्य र सम्बन्धित निकायले यो
मुद्दालाई झुलाई वेवास्ता गर्छ भने हामी
युएन, अन्तर्राष्ट्रिय निकायसम्म
पुग्छौं ।’ उनीहरुले आवश्यक परे हतियार उठाउने धम्की समेत दिएका छन् ।
बहिर्गमित जनमुक्ति सेना नेपालका अध्यक्ष
लेनिन विष्टले भ्रष्टाचारको मुद्दा उठाउँदा आफूलाई बाबुराम भट्टराईको
सरकारले विभिन्न झुठा मुद्दा लगाई एक वर्षसम्म जेल बस्न बाध्य गराएको आरोप
लगाए । अख्तियारले मुद्दा हेरिरहेको भन्दै उनले राज्यलाई चाहिने सबै खाले
सहयोग र जानकारी दिन आफूहरु तयार रहेको बताए ।
१ करोड धरौटी राख्नु पर्ने भन्नै फैसला
सुनाएपछि पूर्व लडाकू विष्ट २०६९ माघ १० देखि हिरासतमा थिए । गत माघ ९ गते
न्यायाधीश वालेन्द्र रुपाखेतीको एकल इजलासले उनलाई सफाइ दिएपछि उनी गत माघ
१० गते कारागार मुक्त भएका हुन् ।
No comments:
Post a Comment