काठमाडौं, चैत २५ – बेलायतमा अध्यायनरत विद्यार्थी शेष बहादुर गुरुङले गत बुधबार
झुण्डिएर आत्माहत्या गरेका छन् । ह्वाइटच्यापलमा रहेको गिल्डहल कलेजमा
अध्यायनरत गुरुङ ब्रिष्टोलस्थित कोठामा अप्रिल २ गते झुण्डिएको अवस्थामा
मृत फेला परेका थिए । बुटबल, वडा नं ६ लक्ष्मीनगरका २६ बर्षीय गुरुङ सन्
२००९ को सेप्टेम्बर महिनामा बेलायत गएका थिए । बेलायतबाट पत्रकार धर्मराज अधिकारीका अनुसार शेषको पुख्र्यौली घर भने
तनहुंको फिरफिरे हो । मृतक गुरुङको बुबा, आमा र भाई बुटवलमा बस्दै आएका छन्
। उनी स्थानीय बुफे रेष्टुरेण्टका केहि समयदेखि काम गर्दै आएका थिए ।
त्यहि रेष्टुरेण्टले उपलब्ध गराएको आवास कक्षमा उनी झुण्डिएको अवस्थामा मृत
भेटिएको स्थानीय प्रहरीले जानकारी दिएको छ । मृतक गुरुङका साथी कमल थापाका अनुसार शेषको मृत शरीरलाई स्थानीय फ्युनरलसँग
समन्वय गरेर नेपाल पठाउने तयारी भइरहेको छ । उनको पार्थीव शरीरलाई नेपाल
पठाउन लाग्ने आवश्यक
रकम जुटाउन कलेजका विद्यार्थीले फण्ड रेइजिङ टिम बनाएर अभियान थालेका छन् । गैर आवासीय नेपाली संघ युके र अन्य नेपाली संघसंस्थाहरुसँग पनि सहयोग जुटाउन पहल गरिने पत्रकार अधिकारीले सम्प्रेषण गरेको समाचारमा जनाइएको छ । प्रहरीले उनको कोठाबाट सुसाईड नोट बरामद गरेपनि त्यसमा के लेखिएको थियो भन्ने खुलाइएको छैन । प्रहरीले मृत्युबारे आवश्यक अनुसन्धान गरिरहेको उनका आफन्तले बताएका छन् ।
रकम जुटाउन कलेजका विद्यार्थीले फण्ड रेइजिङ टिम बनाएर अभियान थालेका छन् । गैर आवासीय नेपाली संघ युके र अन्य नेपाली संघसंस्थाहरुसँग पनि सहयोग जुटाउन पहल गरिने पत्रकार अधिकारीले सम्प्रेषण गरेको समाचारमा जनाइएको छ । प्रहरीले उनको कोठाबाट सुसाईड नोट बरामद गरेपनि त्यसमा के लेखिएको थियो भन्ने खुलाइएको छैन । प्रहरीले मृत्युबारे आवश्यक अनुसन्धान गरिरहेको उनका आफन्तले बताएका छन् ।
मृतकका साथी थापाले बिद्यार्थीहरुको समस्या दिनप्रतिदिन बढ्दै गइरहेको
अवस्थामा डिप्रेसनको कारणले शेषले कठोर निर्णय लिएको हुनसक्ने बताए । उनले
मृतकको शव नेपाल पठाउनका लागि सहयोग गर्न बेलायतस्थित नेपालीलाई आव्हान
गरेका छन् ।
No comments:
Post a Comment